 |
| MZP Cultural Club lam entir lai |
Zofest hmasa ber hi kum 2002 May 28-30 khan Lamka (Churachandpur) khawpuiah neih a ni a. Young Paite Association (YPA) Hall, New Lamka-ah hun hlimawm leh hlawkthlak tak chu hman a ni. Hemi tum hian hnampual zirlai pawl hrang hrang aiawhte chuan inpumkhatna thutiam, "Bond of Unity" chu an ziak bawk.
Zofest vawi hnihna chu 2004 December 15-16 khan Aizawl A.R.Lammualah neih leh a ni a. Hemi tum hian Mizo hnahthak chi peng hrang hrang; Simte, Paite, Kuki, Hmar, Bawm, Mara, Lai, Sakechep, Vaiphei, Ranglong, Chin, Kom, Hrangkhawl, Maring leh Gangte atangin palai an tel thei a, khawmpui thupui atan, "Unau Kan Ni" tih hman a ni a,
Zofest vawi thumna chu 2006 December 13-14 khan Vanapa Hall-ah hman leh a ni a. Manipur atangin Aimol, Tarau, Vaiphei, Kom leh Zomi te, Tripura atangin Ranglong, Sakechep, Hrangkhawl, Darlawng, Mualthuam (Molsom), Kaihpeng te, Assam atangin Chawrai, Biate leh Mizoram atangin Mara, Lai leh Bawm te an tel thei. Thupui atan, "Insuihkhawm leh zai i rel ang u," tih hman a ni a, Zofest Souvenir tihchhuah niin Zofate khawvel hriat a hlawhtlinna chang, Zofate min tihmingthatute chawimawi an ni bawk. Inpumkhatna lam hawi thuziak intihsiakna te buatsaih niin, chipeng hrang hrang incheina Costume Parade mawi tak entir a ni bawk.
 |
| Zofest 2012 at Darchawi, Tripura State |
Zofest vawi lina chu 2009 October 2&3 khan Vanapa Hall-ah hman leh a ni a, thupui atan "Insuihkhawh leh zai i rel ang u" tih hman leh a ni a. Mithiam tak tak hneh atangin thupui sawi ngaihthlak a ni bawk. He khawmpui pual hian Souvenir, "CHIBAI" tih chu tihchhuah a ni bawk.
Zofest vawi ngana atan 2012 December 11&12 khan Darchawi khua Tripura-ah hman a ni a. Thupui atan, "Insuihkhawm leh zai i rel ang u" tih hman leh a ni a, Souvenir "INSUIHKHAWM" tih chu tihchhuah a ni. Palai hi heng; Mizoram, Manipur, Assam, Meghalaya, Tripura leh Myanmar atang tein an kal thei bawk.
 |
| Kachin palai te (delegates) |
1. Lal Thanhawla, Chief Minister of Mizoram
2. L.Malsawma Colney,
3. Capt. L.Z.Sailo (L)
4. R.Thangmawia, President ZoRO
5. BK.Hrangkhawl, Tripura
6. L.Keivom, IRS (Retd.)
7. Lalmuanpuia Punte
8. T.Zorampela
 |
| Lai Couple dress |
Zofest vawi riatna chu kum 2018 December 4-7 chhung khan Reiek khua, Mamit District ah hlawhtling taka neih a ni. ZOFEST 2018 pual hian Souvenir changtlung tak “CHHINLUNG” buatsaih niin, mi thahnemngaite thu leh hla tha tak tak nemkai a ni a. ZOFEST 2016 thupui atan “Insuihkhawm leh zai i rel ang u” tih chu hman niin, Prof. C. Nunthara, Shillong leh Rev. Dr. Vanlalchhuanawma, Laipuitlang Aizawl ten thiam takin an sawi a. Resource Person Dr. C. Lalawmpuia Vanchiau hnen atangin Paper ngaihnawm tak ngaihthlak a ni bawk a, sawihona hun tha tak neih a ni bawk.
ZOFEST 2018-ah hian Pi Ebenezer Siami@Aye Aye Mu, MP, Sagaing Region, Kalaymyo Constituency, Myanmar, - Pu Cross Remliana, Councellor of Rangamati Hills District, Bangladesh, - Dr. C. Vanlalramsanga, IES, Secretary to the Govt. of Mizoram ten khuallian niin min hmanpui a. Tin, Pu CL Ruala, MP (Lok Sabha), Mizoram - Pi Ni Sui Lian, MP Chin State, Hakha Constituency, Myanmar - Dr. Riang Vel, MP Chin State, Falam Constituenc, Myanmar - Dr. Kyi Moet Moet Lwin, MP Mandalay Region, Sintkiang Constituentcy, Myanmar ten uaptu niin min hmanpui bawk.
Tin, ZOFEST 2018-ah hian khawvel huapa Zofate min ti hmingthatu Nl. Lalremsiami Hockey Player leh ZOFEST kan neih theihna tur atana sulsutu Pu Lalthuthlungliana, Ex-President MZP Hqrs. Manipur te chu chawimawina hlan an ni bawk.
 |
| Zofest 2018 Mister & Miss |
Kum danga la tih ngai loh ZOFEST 2018-ah hian “Cultural Day” hman a ni a, Zofa hnam hrang hrang atangin mahni hnam lam leh zai mawi tak tak kan thlirin kan ngaithla a, mit leh beng a tlai tak zet a ni. A vawi khatna turin ZOFEST 2018 Miss & Mister Zofa hnam hrang hrang aiawh atangin thlanna neih a ni bawk. ZOFEST 2018 Miss - Nl. May May Thang Pai, Myanmar, ZOFEST 2018 Mister - Tv. James Molsom, Tripura te thlan an ni.
ZOFEST 2018-ah hian Pandal mawi tak sak niin a hmingah ‘ZO INPUI’ vuah a ni bawk.
Zofest vawi kuana chu kumin 2022 December 6-9 chhung khan "Chhinlung" Sialsuk khua, Aizawl District ah neih a ni. Palai hi Mizoram chhung hmun hrang hrang bakah, Manipur, Tripura leh Assam atangin thahnem tak an lo kalkhawm a. Myanmar, USA leh Australia atangin palai hmel kan hmu bawk. Kum danga lo tel thin Arunachal Pradesh, Kachin State leh Bangladesh a Zofate erawh an ram a buai avangin an lo tel thei lo a, a khawharthlak hle.
 |
| Zofest 2022 pandal "Chhinlung" |
Mizoram state hnuaia Minister leh MLA thahnem takin Zofest hi an rawn chhim thei a, NGO hrang hrangte'n an rawn chhim ve bawk. Tin, Aizawl atangin zirlai thahnem takin Zofest hi lehlangin an chhim ve bawk.
Zofa chi peng hrang hrangte zai leh lam en tur a awm bakah, Zofest thupui "Chhul khat kual kan ni" tih Tv. Lalhruaitlunga Chawngte-in thiam takin a sawi a. Palaite chuan kham lo tak chungin, ni 9/12/2022 zanah "Maphase" tiin ui tak chungin Zofest 2022 chu an thlahliam a ni.
ZOFEST
NEIH TAWH DAN
|
|||
NEIH ZAT
|
A HUN
|
A HMUN
|
THUPUI
|
1
|
2002 May 28-30
|
Lamka (Churachandpur), Manipur
|
Unity is our strength
|
2
|
2004 December 15-16
|
A.R. Lammual, Aizawl, Mizoram
|
Unau kan ni
|
3
|
2006 December 13-14
|
Vanapa Hall, Aizawl
|
Insuihkhawm leh zai i rel ang u
|
4
|
2009 October 2&3
|
Vanapa Hall, Aizawl
|
Insuihkhawm leh zai i rel ang u
|
5
|
2012 December 11-12
|
Darchawi, Tripura
|
Insuihkhawm leh zai i rel ang u
|
6
|
2014 December 3-5
|
Haflong, Assam
|
Insuihkhawm leh zai i rel ang u
|
7
|
2016 December 6-8
|
Zokhawthar, Mizoram
|
Unau kan ni
|
8
|
2018 December 4-7
|
Reiek, Mizoram
|
Insuihkhawm leh zai i rel ang u
|
Thulakna: Zofest Report 2022
0 COMMENT:
Post a Comment