ZOFEST 2024 WEST PHAILENG-AH

MZP General Headquarters Executive Meeting chuan Zofate hnam inkawmpui lian "Zofest 2024" vawi-10 na thleng turin West Phaileng a ruat.

Mizo Zirlai Pawl (MZP) General Headquarters, Aizawl Executive Committee meeting vawi 631 (2023-2025 term-ah vawi 9) na chu ni 3 June, 2024 chhun dar 11 khan MZP Conference Hall-ah an thukhawm a. Meeting hi MZP President Pu H Lalthianghlima'n a kaihruai a. Zofest 2024 thleng turin West Phaileng ruat a ni. 

Read More

ZOFEST 2022 | Khuallian Minister TJ Lalnuntluanga thusawi tlangpui

ZOFEST 2022, Dec 7, 2022 nilaini chawhmaa Khuallian Minister of State zahawmtak Pu TJ Lalnuntluanga,  a thusawi tlangpui a ni.

-T.J.Lalnuntluanga

A hmasain, vawiina MZP te buatsaih, ZOFEST rawn chhimtu chibai ka buk vek a che u.

ZOFEST hman tan atanga kum 22-na a lo ni chho ta der  mai a. Hetiang hun hman a nih tan itrh laia chhimtu anga kal ve thin kha Khuallian atana ruat ka ni hi phu lo ka intiin, Pathian leh Hnam Inpumkhatna chungchanga chawl lova hma latu, MZP hruaitute chungah lawmthu ka sawi a ni.

Zofate inpumkhat hi a pawimawh em em mai a. Vawiina Hnam Inpumkhatna chungchang kan sawi bakah hian, mithiam leh thlir zau zawk tam takin Hnam Inpumkhatna chungchangah hian  fuihna thu tha tak tak an sawi thin a,  tha kan ti a, kan pawm tlang vek mai. Hetianga unaute kan inngaihsak tawn a, kan inhmangaih a, dinhmun sang leh hniam deuh kan awm a nih pawhin kan inenhran loh a ngai a ni.

Tin, tun dinhmunah kan ramin hri tha lo deuh kan vei a awm a, chu chu - Facebook/ whatsapp kan khawih nasa hle a, changkang kan inti a, social media khawih hi hna pui bera nei tawp kan tam lutuk hi a ni. Chanchinbu leh thildangah fiamthu a “An ti” tih hmangin bul kan tan a,   hei hian kan rilru leh thinlung a piansualtir a; tute emaw dinhmun hmuh hniam leh zahsak lohna te, kan chenpuite tawngkam dengkhawng tak taka diriam leh sawichhiatna te a tihluar hle a, kan nun (moral) a tichhe nasa em em mai a ni.

Tin, vawina ka ngaihpawimawh em em chu , Kan Ram ah hian hma sawnna a pawimawh rual hian, a pawimawh chu, Kan zoram leh hnam a him a, hnam zalen leh ram ralmuang kan nih reng hi a pawimawh a ni. Tunlai hian kan hnam ngeiah pawh mi thiam tak tak leh thil hre tak tak kan ngah tawh a, Khawvel level ah pawh duai bik lo kan kat ve ta nuk mai a ni. Hetih rual hian kan thiamna leh theihna te mi dang fuihpawrh nan hmang kan pung chho a, hei hian nghawng tha lo tak a nei theiin ka hria. Tam takin thu thiam takin Manipur te Cambodia kalkawng te kan zawh kan ti a, chuvang chuan Ngaituahna hrisel rilru hrisel kan neih loh chuan nghawng tha lo tak  neiin Politician te chauhin an an tuar dawn lo mi zawng zawngin kan tuar thei. Chuvang chuan kan thiamna finna hi midangte tan malsawmna a nih dawn loh ai chuan ngawih mai te a tha in ka ring thin.  Kan Ram a zalen a, Nu nau te thla a muan zel theih nan rilru hrisel kan put thiam hi a pawimawh khawp mai!

Kan ramin hma a sawn zel theih nan kan hnathawhna apiangah hna a sang emaw a hniam emaw Dikna leh Rinawmna nen kan Zoram tan thawk tha tawp ila, midangin an lo thawk tha lo deuh a nih pawhin kep tum ila, thil an lo ti dik lo deuh anih pawhin a mawh an mahni ngeiin an phur mai dawn a. A nawlpui anga buaipui vut vutna hian kan ram hmasawnna tur, hun leh tha la hek nasa em em a, kan sakhuana pawh a ti dal ang tih ka hlau a ni.

Ram ropui leh Hnam upa zawkte nen kan intehkhin a, a tha viau tho ve. Chutihrualin, keini aia a kum sangbi leh zabi tela hnam upa zawk te nena inteh leh inkhaikhin hian a tha lo zawnin kan rilru puthmang kuai her bawih a, rualawh luatah midangte teh tling thei lovin, insawichhiatna leh elrelna nen nun kan hmang a. Hei hian kan chenhonaah boruak chhe tak a thlentir thin a ni. 

Kan ram zimte, hnam tlemte te hian hmasawn tura bul kan tan a ngai a. Sorkar atang emaw, tute emaw kaltlanga hamthatna dawn ngawt tum lovin, chhungkua emaw, mimal anga tan kan lak a, kan theihtawk te ti a, kuthnathawh chungchangah pawh hma kan sawn a pawimawh a. “Ka ramin enge min tihsak theih” tih aiin, “Ka ram tan enge ka tih theih” tih rilru kan put theuh a pawimawh a ni.

Tin, midangte dik lo vek tura kan hmu leh ngai tlat thin hi a lo ni erng reng lova. Kan politician te, Minister leh officer rualte corrupt vek anga kan ngai thin te hi a dik lova. Politician te, Minister leh officer te zingah hian corrupt duh miah lo engemaw zat an awm a ni. Lo dai pelh palh leh felhlel tawk an lo awm a nih chuan thuhran a ni a; a mipui zawkte rilru (moral) corrupt chungchang pawh hi kan vei tel a pawimawh tak zet a, kan zavaia tanlak a pawimawh tak zet a ni.

Politics ah kan hun te hmang vein, ram leh hnam hmasawnna atan rilru leh ngaihtuahna phak tawkin kan seng ve a. Chutih mek lain, pawisa min dil leh eng eng emaw chungchangah min nawrtu an tam si. Mahni tawkah dik leh fel nia lo inhriain, phak tawkah dik takin hun kan lo hmang ve a, chutiang hun a lo thlen chang chuan mite nun ka hmuh leh tehdan khan ka thahnemngaihna pawh a vaw chau thin hle a. Hmanni Israel ram kan zu fan khan “Thlalera hnimbuk to ri re ang mai” tih kha ka rilruah a awm ta tlat mai a. “Aw, kan lo tha lo hle mai. Mite diptu leh  mite tan hling ka lo ni thei reng mai a.. Hetiang rilru pua ka Ram leh Hnam ka hmangaihna kawnga keimah min daltu ka lo insiam thin hi ka tih loh tawp tur a ni. Ka neih chhun, ka Ram leh Hnam tan hian kei chuan ka theihna zawng zawng ka hlan zel a tul a ni” tiin ka ngaihtuah a, theihtawp chhuah zui zel pawh ka tum a ni.

Dik tak chuan Mizoram pawh hian hma kan sawn ve a ni. Tunhma chuan huanah Ek In kan nei a, kan inthiar zawhah Ek In bang te thliakin, Maian hnah leh Iskut hnah te kan hmang thin a, thenkhat chuan bottle ah tui khaiin kan intifai thin a; tunah chuan khaw kilkhawr berah pawh mahni inchhungah inthiarna changkang tak kan nei fur tawh a ni.  Tin, tuikhur leh luiah tui kan chawi a, tuikawhna leh tel tin hmangin kan ei leh in tur kan chawi a, tunah chuan In tin deuh thaw ah Tui Connection kan nei tawh a ni. Lirthei chungchangah pawh tunah chuan Traffic Jam buaipui ngai khawpin kan awm tawh a, Commercial Vehicle aiin Private Vehicle hi a tam zawk a, hengte hian mipui hmasawnna a tilang hlein a lang a. A eng zawnga thil thlir duh tan chuan “Ramin hma a sawn a ni” tih hi hmuhhmaih rual a ni lo.

A chunga kan sawi ang hian Hnam naupangte ni mahila, khawvel huap pawh zahpuiawm bik lo, mithiam leh fing tam tak kan nei ve tawh a, heng kan mithiamte hi ram leh hnam din chhuahna atan kan hman tangkai thiam a hun ta hle a. 

Thalai hnathawk lo kan tam lutuk hi hma kan sawn theih lohna a ni. Hmanni lawk khan Israel ramah kan zu kal ve a, an thalai (nula leh tlangval) te khawlaiah an reh duk a, ram a buai vang a niang a, kan ti a. Amaherawhchu, “Hna an thawk a ni” tiin min chhang a. Hmasawn tur chuan taihmakna chungchangah tan kan lak thar a pawimawh hle a ni.

saRam hmangaihna leh ram hmasawn na thawk tur hian mahni sum ngah, hnam dang tawng thiam ringawt hi kan tinzawn ang tih hlauhawm khawp in ka hria, heng hi kan ram ah hian a thlen chuan kan ram boruak tur hi a ngaihtuah awm ngawt in ka ring! Chumi tur chuan rilru hrisel kan put thiam hi a pawimawh khawp mai. Khawvel-ah hian hnam ral tam tak an awma, chuvang chuan kan ram, kan hnam a him a, kan dam khawchhuah zel theih nan kan hnam nihphung zahpui lova, chhawm nung zelin, tlang hrang hranga  zohnahthlak unaute inpumkhatna kawngah theihtawp chhuahin ke i pen zel ang u.

Ka lawm e.

Read More

PHOTO | ZOFEST 2022 ORGANISING COMMITTEE

 

Read More

ZOFEST 2022 atana inbuatsaihnain a vawrtawp thleng

Dec 4, 2022 (Sunday)

#. ZOFEST vawi 9-na, naktip lawka neih tur inpuahchahna pawh a vawr tawp a thleng chho mek a. 90 % peih fel a ni tawh. ZOFEST 2022-a tel ve ngei tum (Lâm ngei ngei tum leh tel ve hrim hrim tum) pawh an pung zêl.

#. ZOFEST thlengtu tur Sialsuk khua (Sialkhawpui) pawh an inpeih viau tawh. Khawtlang mipuiten an nghakhlel tawh hle niin thu kan dawng.

#. ZOFEST Palai tur in- report kan dawn chin avaiin mi 950 chuang an ni tawh.

Read More

ZOFEST 2022 PROGRAMME

Thupui : “CHHUL KHAT KUAL KAN NI”

A Hun : Ni 6th - 9th December, 2022

Host : Zonuni Pachuau

HUN KHATNA

Ni 6.12.2022 (Thawhlehni) Zan (Palai Lawmna Inkhawm)

( Zai Hona : 6:30 - 7:00 pm )

A Hmun :  Chhinlung

Khuallian & Thlengtu :  Prof F.Lalnunmawia, Bialtu MLA

Uaptu :  Pu Ramthanmawia, MLA

Chairman :  Pu F. Lalnienga, Adviser

Hunserh :  Upa D.Thanchuanga (PCI )

Inhmelhriattirna :  Tv. Lalentlinga, Organising Asst.Secretary

Zofest Chibai Bukna : Zofa hnam hrang hrang atangin (3 minutes)

Palai lawmna thusawi :  Pu Andrew F.Lalramnghaka, Vice President

Zofest Hawnna & Thusawi :  Khuallian

Thusawi : Pu Ramthanmawia, MLA

Palai lawmna thusawi :  Pu Lalneihkima, Chairman Local Organising Committee Sialsuk

HUN HNIHNA

Ni 7.12.2022 (Nilaini Chawhma) - Vantlang Inkhawm

( Zai Hona  : 9:30 - 10:00)

A Hmun :  Chhinlung

Khuallian :  Pu TJ Lalnuntluanga, Minister of State Mizoram

Uaptu :  Salai Lian Luai. Ex Chief Minister, Chin State, Myanmar

Chairman :  Pu Chinkhanmanga Thomte, Asst. General Secretary, MZP

Hunserh :  Pastor Lalbiakvela (Seventhday Adventist )

Report :  Pu Jacob Lalmuanpuia, Organising Secretary

Zofest Chibai Bukna :  Zofa hnam hrang hrang atangin (3 minutes )

Thupui Sawi :  Pu Lalmuanpuia Punte (Ex-President MZP General Hqrs )

Lehkhabu Release :  Chin kuki Hills Country - Buaipuitu Legal Study Forum Mizoram

Thusawi :  Khuallian

Thusawi :  Uaptu

HUN THUMNA

Ni 7.12.2022 (Nilaini Chawhnu) - Vantlang Inkhawm

( Zai Hona : 1:00pm- 1:30pm )

A Hmun :  Chhinlung

Khuallian :  Pu Lalchamliana, Home Minister Mizoram

Uaptu : Dr. L Thangmawia, MLA

Chairman :  Pu Sanghmingthanga, Treasurer

Hunserh :  Upa Hrangkhuma (Mizoram UPC )

In hmelhriattirna :  Tv.Lalentlinga, Organising Asst.Secretary

Zofest Chibai Bukna :  Zofa hnam hrang hrang atangin (3 minutes )

Thusawi :  Pu Lalchamliana, Home Minister Mizoram 

Thusawi : Dr. L Thangmawia, MLA

HUN LINA

Ni 7.12.2022 (Nilai Zan) - Vantlang Inkhawm

( Zai Hona : 6:30pm - 7:00pm )

A Hmun :  Chhinlung

Khuallian :  Dr.K.Beichhua, Minister of State, Mizoram

Uaptu : Ngamrothang Hmar, EM, NCHAC (North Cachar Hills Autonomous Council)

Chairman :  Pu Lalhuapliana, Finance Secretary

Hunserh :  Pu Francis Vanlalruata (Catholic )

In hmelhriattirna :  Pu Jacob Lalmuanpuia, Organising Secretary

Zofest Chibai Bukna :  Zofa hnam hrang hrang atangin (3 minutes )

Thusawi :  CYMA atangin

Thusawi :  Khuallian

Thusawi   : Ngamrothang Hmar, EM, NCHAC (North Cachar Hills Autonomous Council)

HUN NGANA

Ni 8.12.2022 (Ningani Chawhma) - Vantlang Inkhawm ( Zai Hona  : 9:30 - 10:00)

--------------------- ZOFEST LUNGPHUN HAWNNA -------------

A Hmun :  Chhinlung

Khuallian :  Pu Zoramthanga, Chief Minister Mizoram

Uaptu    :  Pi Nemcha Kipgen, Minister (Social Welfare Department, Cooperation) , Manipur

Chairman :  Pu Andrew F.Lalramnghaka, Vice President

Hunserh :  Upa ZD Lallawmkima (PCI )

Report :  Pu Jacob Lalmuanpuia, Organising Secretary

Zofest Souvenir Release :  Dr. Vanlalremruata Tonson, Adviser MZP Gen. Hqrs &

  Editor ZOFEST Souvenir 2022

Thusawi :  Pu Lalnunmawia Pautu, President

Thupui Sawi :  Pu Lalhruaitluanga Chawngte, Adviser

Thusawi :  Khuallian

Thusawi :  CBCUSA Women Department atangin

Thusawi :  Uaptu

------------------ COUSTUME PARADE ------------------------------

HUN RUKNA

Ni 8.12.2022 (Ningani Zan) - Vantlang Inkhawm

( Zai hona  : 6:30 - 7:00)

A Hmun :  Chhinlung

Khuallian :  Dr.R.Lalthangliana, Minister

Chairman :  Pu Lalremruata Hlondo, NESO Coordinator

Hunserh :  Upa Lalbiakdika (UPC N.E.I. )

Zofest Chibai Bukna :  Zofa hnam hrang hrang atangin (3 minutes )

Thusawi :  Khuallian

HUN SARIHNA

Ni 9.12.2022 (Zirtawpni Chawhma) - ZO ZE CHAWI NI

( Zing dar  10:30)

A Hmun :  Sialsuk Tlang

Khuallian :  Pu Robert Romawia Royte, MoS

Chairman :   Pu L.Ramdinliana Renthlei, Adviser MZP Gen. Hqrs

Hunserh :  Pu Vanlalpeka Sailo (Seventhday Adventist )

Costume Parade :  Zofa hnam hrang hrang atangin

Thusawi :  Khuallian

 ( Zo hnam lam hrang hrang leh zai entir a ni ang )

HUN RIATNA

Ni 9.12.2022 (Zirtawp Zan) - Palai Thlahna Inkhawm

( Zai Hona : 6:30 - 7:00 pm )

Khuallian :  Pu Lalrinliana Sailo, Speaker 

Uaptu :  Pu K.Laldawngliana, MLA

Chairman :  Pu Jacob Lalmuanpuia, Organising Secretary

Hunserh :  Upa Lalsawmliana (PCI)

Palai thlahna thusawi :  1) Pu Ricky Lalbiakmawia, NESO Vice Chairman

  2) Pu Lalruatkima, VCP Sialsuk

Thusawi :  Khuallian Thusawi :  Uaptu

*ZOFEST Prog. neih chhung hian Zofa hnam hrang hrang atangin Zai leh lam entir thin a ni ang.

*ZOFEST Prog. neih chhungin Prog. Co-ordinator ten a tul angin programme anti danglam thin ang.

*ZOFEST Zai tura beiseite -

1. Lalrinhlui Tlumang

2. Benjamin Sum

3. Sawmtea Chhangte

4. Siampuii Ralte

5. Marina Varte

6. Lalenkawli Pautu

7. David Darlong

Programme Co-ordinator:

1. Jacob Lalmuanpuia, GS, OB i/c – 8787413913

2. Zairemthanga, Programme Sub - Committee chairman– 8974740058

3. David Lalromawia, Programme Sub - Committee Secretary - 7005324101

“CHHUL KHAT KUAL KAN NI”

Read More

ZOFEST 2022 ORGANISING COMMITTEE

(MZP General Headquarters, Aizawl)

MZP General Headquarters, Aizawl chuan December Ni 6 – 9 chhung a Sialsuk khua a Zo hnam khawmpui lian Zofest a neih turah Zofest 2022 Organising Committee din in, a hnuaia Sub-Committee peng hrang hrang a siam nghal a. Heng Sub-Committee peng hrang hranga hruaitu kan ruatte hian Zofest a hlawhtlin theih nan hma an la ang. Sub-Committee hmalakna hi Organising Committee-ah a tul anga sawihoin kal pui thin a ni ang.

Hetiangin :

ZOFEST 2022 ORGANISING COMMITTEE

Chairman : Pu Lalnunmawia Pautu, President Ph no : 9436168978

Secretary : Pu Jacob Lalmuanpuia, General Secretary Ph no : 8787413913

Asst. Secretary : Tv. Lalentlinga, Secy i/c Information Ph no : 9612556605

Members :

1. Pu Andrew F. Lalramnghaka, Vice President

2. Pu Chinkhanmanga Thomte, Asst. General Secretary

3. Pu Sanghmingthanga, Treasurer

4. Pu Lalhuapliana, Finance Secretary

5. Pu C. Lalrokhuma, Adviser

6. Pu Lalhruaitluanga Chawngte, Adviser

7. Pu F. Lalnienga, Adviser

8. Pu Lalnuntawma Fanai, Adviser

9. Pu Lalthlamuana Ralte, Adviser

10. Pu L. Ramdinliana Renthlei, Adviser

11. Dr. Vanlalremruata Tonson, Adviser

12. Pu Hmingchungnunga Tochhawng, Adviser

13. Pu Lalnunsiama Tlaisun, Legal Adviser

14. Pu JC Lalnunsiama, Legal Adviser

15. F. Lalduhkima, Secy i/c Education

16. Nangsawmthanga, Secy i/c Social & Culture

17. R. Lalkhawngaiha, Secy i/c Organisation

18. H. Lalthuthlunga Zate, Publicity

19. F. Lalmuanpuia, Secy i/c External Affairs

20. C. Lalhmingsanga, Secy, i/c Environment & Sanitation

21. Zairemthanga, Secy i/c Establishment

22. P.S Muana, Secy i/c Sports & Adventure

23. Golden Lalnunhlima, Secy i/c Property & Library

24. David Lalromawia, Editor, MZP Chanchinbu

25. Ricky Lalbiakmawia, NESO Finance Secretary

26. Lalremruata Hlondo, NESO Coordinator

27. Ricky Lalzawma, NESO Council Member

28. Lalhruaitluanga Tlau, NESO Council Member

29. H. Hrangkunga, NESO Council Member

30. S. Dochhuanawma, NESO Council Member

31. Vanlaltirhkoha, NESO Council Member

32. Rothanliana, NESO Council Member

33. Lalruatfela, NESO Council Member

34. B. Lalrohlua, NESO Council Member

35. B. Lalruatpuia, NESO Council Member

36. Laltlanmawia Sailo, NESO Council Member

37. R. Lalrokima, ECM

38. Michael Lalramsanga, ECM

39. Lalvansanga Pautu, ECM

40. H. Lalthianghlima, ECM

41. C. Laltanpuii, ECM

42. C. Lalremruata, ECM

43. Pu F. Ngurbiakvela, ZORO

44. Pu Lalbiakhlua, MCO

45. Aron Ranglong, Joint Hnampual

46. President & General Secretary MZP Gen. Hqrs (1993 – 2019)

SUB-COMMITTEE HRANG HRANG HRUAITUTE LEH MEMBER-TE

A. Transportation Sub-Committee

Chairman : Golden Lalnunhlima, Secretary i/c Property & Library

Secretary : Peter Lalzarmawia, ECM

O.B i/c : Pu Lalhuapliana, Finance Secretary

Members :

1. Ricky Lalbiakmawia, NESO Fin. Secretary

2. Lalremruata Hlawndo, NESO Co-Ordinator

3. Ricky Lalzawma, NESO C/M

4. Vanlaltirhkoha, NESO C/M

5. R. Lalrokima, ECM

6. F. Vanlalhruaitlunga, ECM

7. Albin C Lalhruaitluanga, ECM

8. K. Lalnunhlima, ECM

9. Vice President & General Secretary, GAC SU

10. President & General Secretary, HSA Joint Headquarters, Aizawl

B. Programme Sub-Committee

Chairman : Zairemthanga, Secretary i/c Establishment

Secretary : David Lalromawia, Editor MZP Chanchinbu

O.B i/c : Pu Jacob Lalmuanpuia, General Secretary

Members :

1. Lalvansanga Pautu, Editor

2. Lalhruaitluanga Tlau, NESO C/M

3. B. Lalruatpuia, NESO C/M

4. Michael Lalramsanga, ECM

5. Lalhmangaihzuala, ECM

6. Lalneihkimi Ralte, ECM

7. Zothanpuia Tochhawng, ECM

8. Priscilla Lalchhuansangi, ECM

9. PC Lalngaihawmi, ECM

10. Vice President & General Secretary, GANC SU

11. President & Secretary, LSA Joint Headquarters, Aizawl

C. Information & Documentation Sub-Committee

Chairman : Lalentlinga, Secretary i/c Information

Secretary : J. Lalawmpuia ECM

O.B i/c : Pu Chinkhanmanga Thomte, Asst. General Secretary

Members :

1. H. Lalthuthlunga Zate, ECM

2. H. Hrangkunga, NESO C/M

3. B. Lalrohlua, NESO C/M

4. Hmangaihhlima, ECM

5. C. Lalremruata, ECM

6. Hauthuampuia Hauhnar, ECM

7. Lalthanzuali, ECM

8. Lalhmachhuani, ECM

9. Vice President & General Secretary, GAWC SU

10. President & Secretary, MSO Joint Headquarters, Aizawl

D. Refreshment Sub-Committee

i/c : Nangsawmthanga, Secretary i/c Social & Culture

Chairman : C. Lalhmingsanga, Secretary i/c Env. & Sanitation

Secretary : Immanuel Lalhmangaihsanga ECM

Members :

1. Rothanliana, NESO C/M

2. S. Dochhuanawma, NESO C/M

3. H. Lalthianghlima, ECM

4. F. Lalramnunsanga, ECM

5. Saihmingthanga Sailo, ECM

6. Jehova Lalrawngbawla, ECM

7. Ngurthansangi, ECM

8. H. Lallawmzuali, ECM

9. Vice President & General Secretary, HBC SU

10. President & General Secretary, MBSA

E. Light & Sound Sub - Commitee

Chairman : F. Lalmuanpuia, Secretary i/c External Affairs

Secretary : Saithantluanga Saiawi, ECM

O.B i/c : Pu Andrew F Lalramnghaka, Vice President

Members :

1. Lalruatfela, NESO C/M

2. Vanlaltirhkoha NESO C/M

3. Thuamrodinga, ECM

4. Dawngsiankhaia, ECM

5. R. Lalropuia, ECM

6. Stephen Rutland, ECM

7. Ngurrivunga, ECM

8. Vice President & General Secretary, GJC SU

9. Vice President & General Secretary, GMLC SBC

10. President & Secretary, PZP Joint Headquarters, Aizawl

F. Reception Sub – Committee

Chairman : R. Lalkhawngaiha, Secretary i/c Organisation

Secretary : Zonunmawia Ralte, ECM

O.B i/c : Pu Sanghmingthanga, Treasurer

Members :

1. Laltlanmawia Sailo, NESO C/M

2. J. Lalrinmawia

3. Lalngaihzuala, ECM

4. Lalramchhana, ECM

5. Immanuel Vanneihtluanga, ECM

6. Benry Lalfakzuala, ECM

7. Vice President & General Secretary, GJTC SU

8. Vice President & General Secretary, PUC SU

9. President & General Secretary, RSU

G. Decoration Sub - Committee

i/c : F. Lalduhkima, Secretary i/c Education

Chairman : P. S. Muana Secretary i/c Sports & Adv.

Secretary : C. Laltanpuii, ECM

Members :

1. P. Vanlallawma, ECM

2. Thangliantluanga Suante, ECM

3. Lalrinthanga, ECM

4. Ismael C Lalthanhawla, ECM

5. Runremmawia, ECM

6. Vice President & General Secretary, GTRC SU

7. Vice President & General Secretary, GZRSC SU

8. Vice President & General Secretary, WPA SU

9. President & General Secretary, SSPP Headquarters, Aizawl

H. Ushering Sub - Committee

i/c : R. Lalnunchhana, ECM

i/c : Elbethel Tlangngaihawma, ECM

H. ZOFEST SOUVENIR

Editor : Dr. Vanlalremruata Tonson, Adviser

Jt. Editor : David Lalromawia, Editor MZP Chanchinbu

OB i/c : Pu Lalnunmawia Pautu, President

Members :

1. Hmangaihhlima, ECM

2. Lalvansanga Pautu, ECM

3. P.S Muana Secy i/c Sports & Adventure

4. Saithantluanga Saiawi, ECM

5. Albin C. Lalhruaitluanga, ECM

ZOFEST LOCAL ORGANISING COMMITTEE, SIALSUK

Chairman : Pu Lalneihkima Ph No. 7629967515

Secretary : Pu Lalmuansanga Ph no. 9612700674

A. Information & Reception Sub-Committee

Chairman : Pu C. Johana Ph no. : 8414049127

Secretary : N. Hmingchungnunga Ph no. : 9612426067

B. Security Sub-Committee

Chairman : Michael Lalrinmawia, Ph no. : 8730970792

Secretary : Pu C. Lalnunzira, Ph no. : 8731913743

C. Refreshment Sub-Committee

Chairman : Pu Rochungnunga, Ph no. : 8837248535

Secretary : ZD Malsawmtluangi, Ph no. : 9436962966

D. Light & Sound Sub-Committee

Chairman : Pu V. Lalmawizuala, Ph no. : 9863190915

Secretary : Pu Hminglawmawma, Ph no. : 9366987417

E. Decoration Sub-Committee

Chairman : Lalremruata, Ph no. : 9366304064

Secretary : Nl. Laltanpuii, Ph no. : 8730864690

F. Water & Sanitation Sub-Committee

Chairman : Pi Ramherliani, Ph no. : 8974776386

Secretary : Pi Lawmsangpuii, Ph no. : 8730864107

G. Traffic Management Sub-Committee

Chairman : R. Lalhnehzauva, Ph no. : 9863217667

Secretary : R. Challianthanga, Ph no. : 9774375215

(JACOB LALMUANPUIA)

Secretary

Zofest 2022 Organising Committee

Read More

Zo hnam inkhawmpui lian 'ZOFEST' 2022 Sialsuk-ah ngei aw!

Aizawl | Nov 3, 2022: Mizo Zirlai Pawl (MZP) in an buatsaih thin, Zo hnam inkhawmpui lian 'ZOFEST' 2022 chu Sialsuk-ah nghah a ni dawn ta!

Zo hnam inpumkhatna atana buatsaih thin, ZOFEST 2022 atan hian inbuatsaihna thui tak a kal tawh a, Vawiin tlaia Sialsuk VC kaihhruaina hnuaia YMA ,MHIP, MUP leh G&SA thukhawm chuan, MZP General Headquarters ngenna chu 'thlen nise' tih chu lungrual takin an pawm ta a ni.

ZOFEST 2022 chu Sialsuk-ah ngei aw ni ang... 

ZOFEST 2022 hi December thla kar hnihnaa neih tura ruahman a ni.

ZOFEST hnuhnung ber hi 2018 khan Reiek-ah neih a ni.

Read More

ZOFEST SOUVENIR TLANGZARH A NI

Zofest 2018 Souvenir, "Chhinlung" tih chu ni 28 October, 2019 (Thawhṭanni) khan Pu Lalchhandama Ralte, School Education Minister chuan a tlangzarh.

MZP chuan khawvel hmun hrang hranga a Zofate kan i suihkhawm theih bnan, kum 2002 aṭang khan Zofest a lo buatsaih ṭhin a. Nikum 2018 khan a vawi riat (8) nan Reiek, Mamit District, Mizoram-ah Zofest hlawhtling tak a buatsaih a. He hun hriatreng nan leh thu leh hla dahkhawm nan Souvenir siam niin, programe hlimthla te dah a nih theih nan leh thusawi leh thuzir te dah a nih theih nan, hun hman hunah buatsaih a ni.

Souvenir bu hi Souvenir Sub Committee kuta dah niin, a buaipui turin Editorial Board siam leh a ni a. An ni hmalakna avangin hetiang lehkhabu tha leh rotling tak a lo chhuak ta a ni.

"Chhinlung" hi Copy 2,000 print a ni a, Bhabani Offest & Imaging Systems Pvt. Ltd. Guwahati-ah chhut a ni. Phek 224 a chhah niin, thuchah (message), Zofest Report, Editorial leh thuziak (Article) 13 bakah thusawi, Seminar Paper, thupui sawitu te thusawi te chuan tir a ni a. Zofest 2018 hlimthla hrang hrang tarlan a ni bawk.

Souvenir-ah hian Pu Lalvansanga Pautu hi Editor a ni a, Pu Hmangaihhlima leh Nl. Lalremruati Ngente te hi Joint Editor an ni. 

Read More

AMSU IN ZOFEST AN HMUH DAN

ZOFEST rawn hmang All Manipur Students' Union (AMSU) Report:

AMSU hruaitu te leh MZP Hruaitu te

North East Students' Organisation (NESO) a kan thawhpui AMSU hruaitute chuan Zofest nuam an tih thu leh mizo te fel zia te, hmeichhia zawng zawng an hmelthat thu leh Kanlo duat zia hlir an sawi bang theilo a.. a lawmawm takzet ani. Tin Manipur ah Zohnahthlak tamtak an awm a, chung ho chu anni AMSU hian Zofest atang hian an hmuh dan a dang nghal hle tih an awmdan leh thusawi atangin a hriat bawk a..CHURACHANPUR mizo te kiangah an haw tekha Pathian remruat ani lo theilo.. Manipur a Zirlai pawl lian leh thil tithei ber, manipur neitu AMSU leh Manipur a Zofate relationship thar duhawm tak Zofest hian a hring chhuak dawn niin a lang.

Tin, AMSU hian Zofest kan buatsaih dan chu tha an ti takzet tih sawiin In an thlen hunah Zofest kan neih ang hi Meitei hnam hrang hrang tan an Siam ve tur thu sawiin Zofest in ngaihtuahna thar tamtak an pek thu leh an rawn kal ve chu An inchhir loh thu te, thil thar tamtak inzir na tur an hmuhchhuah thu an sawi a ni. Mzp in Zofest chim tura kan sawm khan Mizoram chu a mawi in a nuam dawn a, MZP te sawmna pawh harsa tilo takin kan pawm nghal ani a, mahse kan rawn thleng ta cheng a, kan lo suangtuah na zawng zawng let 1000 in mizoram chu a lo mawi a, a chhunga cheng te lah in tha in mikhual in duat em em bawk ai.. Zofest kan lo kal hi 1000% in kan inchhir lo a, kan lungawi hliah hliah ani tiin an sawi a ni.

By:

Ricky Lalbiakmawia, NESO Fin. Secretary

Read More

ZOFEST A PRESIDENT THUSAWI TLANGPUI

Tv. L.Ramdinliana Renthlei, President Mizo Zirlai Pawl GHQ

Mizoram, kan ram kan humhalh duh avangin MZP chuan hma kan la a, Assam leh Mizoram inrina bul Mizoram chhung Bairabi Zophai hmunah Zofate Chawlhbuk kan sa a, thiahsak kan ni a. Sak leh kan tum a Assam Police lamin an phal ta lo a, MZP member te chu Silai a kah kan ni a, nasa taka vuak kan ni bawk a, khatih hunlai khan MZP chuan chhantu a ngai a, MZP kha a rum a, MZP khan chhantu a neih loh avangin a mittui a tla a, MZP kha a tap a ni. Pathian tal hi kan au ei tur a ni tiin Pathian hnenah kan tawngtai a, kan tawngtaina chhan in a awm ta a, kan tawngtaina chhanna a Pathianin min pek chu vawiina khawvel hmun hrang hrang atanga kan unau, kan thisen zawmpui ZOFEST lo hmang tute hi in ni. Vawiina ZOFEST palai kan unau, kan thisen zawmpui te hi MZP tana Pathian pek te in ni a, in chungah hian MZP hi kan va lawm em ve aw.......

MZP a mangang lai taka kan tana lo au chhuaktu awm chhun te in ni a, Assam Police in Silai a MZP te min kah chungchangah thlamuanna thu leh MZP puih a ngaih a puih in in huam thu thuchhuah leh lehkhathawn thahnem tak kan hmu a, MZP chu a hahdam phah sawng sawng a, nangmahni avangin MZP chu a thla a muang a ni. Zofe chipeng thenkhat te hi chuan Hnam tana thawktu Silai keng/hnam tana pasaltha te kan nei a, kan unau Silai keng te khan min lo bia a kan inpeih reng e, MZP chhan tur hian kan Silai kan thawh thei a, in kap thiam lo a nih pawhin Sipai a kap thiam kan intum thei a, MZP in min mamawh phawt chuan Silai kengin kan lo kal ang an lo ti a MZP chuan kan thlamuanpui hle a ni. MZP a mittui tlak lai, MZP a tah lai leh MZP a mangan laia min thlamuantu, MZP thlavang hauhtu khawvel hmun hrang hranga awm kan unau, kan thisen zawmpui te u MZP chuan a theihnghilh ngai dawn lo che u a, harsatna in tawk emaw buaina in nei a nih chuan kan unau, kan thisen zawmpui tan chuan MZP chuan hma a hruaiin, in tan kan ding tlat zel dawn a ni.

ZOFEST hmasaber hi kum 2002 May 28-30 khan Churachanpur, Manipur-ah neih a ni a. Young Paite  Hall, Lamka hmunah hlim tak leh inpawh tlang takin hun hman a ni. ZOFEST hmasaber tawp zanah chuan MZP hruaitute leh Zofa hnampual pawl hrang hrang hruaitute chu nghet taka kut insuiha dingkualin, ‘Insuihkhawm leh zai I rel ang u’ – Capt L.Z.Sailo phuah chu mittui tla zawih zawih a sa in tin ta a ni.

ZOFEST hi Zoram hmun hrang hrangah hman a lo ni tawh thin a, Manipur ah te, Tripura ah te, Assam ah te Mizoram state pawnah chuan hman a lo ni tawh a, Mizoram chhungah hian vawi 4(Li) hman a ni tawh bawk a kumin hi vawi 8(riat) kan hman na tur a ni.

ZOFEST hi Mizoram state pawnah hman a nih apiang hian harsatna/dodalna a awm ziah thin a, kum 2002 ZOFEST hmasa ber-ah pawh khan kan unau thenkhat atangin dodalna a awm a, kan hruaitu hmasa te khan nasa taka beiin hel leh ralthuam/Silai mu karah unau kan nih zia pholan nan huaisen taka an lo beih avangin hlawhtling takin hman a ni. 2012 kuma Darchawi Tripura a hman a nih khan ZOFEST hian dodalna a tawk nasa hle bawk a, kan unaute zingah ZOFEST dodaltu pawl an lo awm a, kawng te an zawh a ZOFEST hi boycott tum pawl pawh an awm a, mahse Pathian puihna in tluang takin hman a ni leh a ni. Tin, 2015 khan ZOFEST hi Halflong Assam-ah hman a ni leh a, hetah pawh hian engkim peih fel a, kawng a kan kal laiin kan unaute tho hel ten min tibuai leh a, kum 2015 kum khan nikhat phei chu ZOFEST hi kan hmang thei lo nghe nghe a ni. Ni 3 Programme tur kha ni 2 kan hman phah tawh bawk a mahse Pathian puihna in kum 2015 kum pawh khan hlim takin ZOFEST kha hmanzui a ni ta a ni. Harsatna leh buaina tamtak karah ZOFEST hi hman a lo ni tawh thin a, mahse Pathian puihna in kan tum ang zelin hlim takin kan la hmang thei zel a ni. Vawiina ka sawi duh chu MZP in Zo-Hnam inkhawmpui lian kan buatsaih thin ZOFEST hi Pathian programme/Pathian hriatpui a ni tih a chiang hle a ni. Pathian hian Zofate hi min hmangaiha insuihkhawm a kan awm theih nan min pui zel dawn a ni tih hi a chiang hle a ni.

MZP chuan Zofa chi peng hrang hrangte kan insuihkhawm a, lungrual taka kan awmho theih hun hi nghakhlel takin a thlir thin a. Zofa chi peng hrang hrangte lungrual taka kan insuihkhawm theih nan MZP chuan nasa taka hma la thinin Zofate kan insuihkhawm theih nana inkhawmpui lian ber ZOFEST chu buatsaih thin a ni. ZOFEST hi buatsaih chhunzawm zel pawh a tum a ni.

Zofate hi khawvel hmun hrang hrangah kan awm a, a then chu India ah kan awm a, a then chu Myanmar ah kan awm a, a then chu Bangladesh ah te leh khawvel hmun hrang hrangah kan awm a ni. Khawvelah hian Zofate hi nuai 60 chuang kan awm a ni. Min awmbettu ten ramri min siamsak mah se la, ram chuan ri a nei a, hnam erawh chuan ri a nei lo a ni. Min awpbet tu ten kan duhdan ni hauh loin ramri min kham sak a, International boundary-in dai min dan avangin leh ramri an kham avangin Zofate chu rorelna pakhat hnuaiah awm vek lo mah ila, rilru leh thinlung lamah inpumkhat takin kan awm thei a ni tih hria in MZP chuan ZOFEST a buatsaih thin a. Ramri leh khawsak phung lo dang ta avanga mahni unau, mahni chi pui te ngei pawh inhre tawn tawh lo te, unau hmelhai a lo awm tawh te huikhawm a thlahkhat unau kan nih zia leh thisen inzawm kan nihzia hriattir hi ZOFEST thil tum bulpui ber chu a ni.

Eng tik ni ah emaw chuan hmun hrang hrang a Zofate hi rorelna pakhat hnuaiah kan la awmkhawm dawn a, a awmzia chu Independent kan ni anga ramri in min daidan tawh loin ram khatah kan la awm dawn a, hei hi MZP te chuan kan beisei leh kan rin a la ni reng a ni. Zofate  hi mi awpbehna hnuaiah kan awm reng dawn lo a ni. Hmun hrang hrang a Zofate hian kan awmna hmunah theuh hnam inpumkhatna nei turin hma kan la tur a ni a, kan awmna hmun theuh ah ram leh hnam hmangaihna rilru pu tlat chungin rinawm taka kan awm a ngai a ni.

Tawng a in an loh avanga unau hmel kan in hai thin hi MZP chuan pawi a ti a, Zo tawng hi lo la piang tur a ni a, Zofa chipeng hrang hrang tawng hi a mawi hlawm hle a, a vaia infin khawm hi Zo tawng vek a ni. Chuvangin Zofa zawng zawng te rilru zau tak pu chung leh in duhsak tawn tak chunga kan awmho  a ngai takzet a ni.

MZP chu a tul ang apiangin  hmun hrang hrang a Zofaten min mamawh ang zelin leh an thlavang hauh turin a che chhuak zel dawn a ni. Kil tina Zofa zawng zawngte kan insuihkhawm theih nan mimal tinin mawhphurhna kan nei theuh a, kan mawhphurhna hlen tura kan theihna zawn theuh a hma lak zel hi kan insuihkhawm theih nana kawng pawimawh tak a ni. Zofate hi tam kan duh vang a in sawmkhawm chawp ni lovin, chung Pathian ruatsa, Thisena inzawm, Unau thlah khat kan nih avangin kan insuihkhawm a tul a, Zofa hmun hrang hrang a awm te kan in pumkhat that chuan khawvel a hnam zahawm tak kan ni dawn a ni. Zofate hi kan inpumkhat loh chuan hnam boral kan ni mai dawn a, Zofate kan din khawchhuah nan kan insuihkhawm a ngai a, insuihkhawm leh zai i rel ang u.

Read More