ZOFEST 2024 REPORT

Chinkhanmanga Thomte
General Secretary/ Organising Secretary Zofest 2024
MZP General Headquarters

MZP chuan Zofa zawng zawngte insuihkhawm lehna hi a ngai pawimawh em em a, insuihkhawma kan awm leh theih nan nasa takin hma a la thin a ni. Tun hmaa la tih ngailoh ngaihtuah chhuakin Zofa zawng zawngte lungrual a tulzia hriain, hnam inpumkhatna khawmpui buatsaih thain a hria a, Zofa ni si, an nihna pawh inhre tawh mang lote an awm thu chenin hriat a ni a. Chung mite zawng zawng nena inhmukhawm a, unau kan nih zia ti lang thar leh turin ZOFEST hlimawm tak leh duhawm tak chu a hautakna leh buaithlakna pawh hre chang loin huaihawt a lo ni ta a ni.

ZOFEST 2002 - CHURACHANDPUR (LAMKA)

ZOFEST hmasaber hi kum 2002 May, 28-30 khan Churachandpur (Lamka)-ah neih a ni a. Young Paite Hall, Lamka-ah hlim tak leh inpawh tlang takin he hun hi hman a ni. Hemi tum hian Aizawl lam atangin palai 140 lai an kal a ni. A tawp zanah MZP hruaitute leh Zohnahthlak hnampual pawl hrang hrang hruaitute chu nghet taka kut insuiha dingkualin, ‘Insuihkhawm leh zai i rel ang u’- Capt L.Z. Sailo phuah chu lungsi taka sa ho-in hun hlimawm tak hman a ni. 

He kutpui (ZOFEST) denchhen hian inpumkhatna thutiam ‘Bond of Unity’ chu hnampual zirlai pawl hrang hrang aiawhte chuan an ziah hnan bawk. Tin, he hunah hian kum 1886-a chhut Manipur Gazette-a lang tawh Kom chi-peng, Naga-a lut lek lek tawha sawi te chu rawn telin, hun hlimawm tak an rawn hmang a ni.

Hetih lai hun 2001 - 2003 a MZP General Headquarters hruaitute chu :

President : Lalchhandama Ralte

Vice President : James Thanghmingmawia

General Secretary : Lalmuanawma Mathipi

Asst. Gen. Secretary : V.L. Krosshnehzova

Treasurer : C. Lalhmachhuana

Finance Secretary : David Ramengmawia

He hunah hian thupuiah ‘Unity is our strength’ tih hman a ni.

ZOFEST 2004 -  AIZAWL

ZOFEST 2004 chu December 15-16 khan Aizawl A.R. Lammualah neih a ni leh a. Hemi tum hian zohnahthlak chi leh chi peng hrang hrang Simte, Paite, Kuki, Hmar, Bawm, Mara, Lai, Sakachep, Vaiphei, Ranglong, Chin, Kom, Hrangkhawl, Maring leh Gangte-te an tel a. Heng bakah MZP Headquarters, Sub-Headquarters leh Branch hrang hrang amite telin, mahni hnam zai leh lamte entir a ni.

ZOFEST 2004 a palaite hi Manipur atangin 283, Tripura atangin 40, Assam ram atangin 43 leh Mizoram atangin 275, an vaiin 641 lai an ni a. Mahni lam mawi tak tak an entir chu a hmuhnawm takzet a, lam chi hrang hrang entir te chuan pumkhatna leh thlahkhat kan nihzia a tilang chiang hlawm hle. Tin, mahni kutchhuak ngei thawmhnaw inbela ‘Costume Parade’ an neite mawlh kha a hmuhnawm a, zaithiam lar tak tak te zai ngaihthlak a ni a, mit leh beng a tlai tak meuh a ni.

ZOFEST 2004-ah hian Zaithiam lar Lalrindiki Khiangte (Daduhi) te, infiamna lama Mizote kaiharhtu Mamuana te, Phai lam Chanchinbua Mizo chanchin ziak thin Sangzuala Hmar te, Zoram Historical Map ziaktu Pu Lalmalsawma Colney te hnenah chawimawina thuziak hlan an ni. Khuallianah Pu Zoramthanga, Chief Minister chu hman niin , thupuiah ‘Unau kan ni’ tih hman a ni.

Hetih hunlai 2003 - 2005-a MZP General Headquarters hruaitute chu:

President : C. Lalrokhuma

Vice President : C. Lalhmachhuana

General Secretary : P.C. Laltlansanga

Asst. Gen. Secretary : Lalrinmawia

Treasurer : Ngurthansangi Sailo

Finance Secretary : David Ramengmawia

ZOFEST 2006 - AIZAWL

ZOFEST 2006 chu December 13-14 khan hman a ni a, ni hnih chhung hman niin, a nikhatna ah Pu Tawnluia Hon’ble Home Minister chu khuallian niin, a ni hnihna-ah Pu Haukhum Hauzel, Chief Secretary chu khuallian a ni bawk. Hun hmalam aia changtlung leh kokima buatsaih a ni a, palai leh lam entir turte pawh thahnem tak an kal a, chungte chu - Manipur atangin Aimol, Tarau, Vaiphei, Kom, Zomi te, Tripura atangin Ranglong, Sakechep, Hrangkhawl, Darlong, Mualthum (Molsom), Kaihpeng te, Assam atangin Chawrai, Biate te leh Mizoram atangin Mara, Lai, Bawm te an tel a. Palai hi a zavaiin 460 bawr vel nia hriat a ni. Heng hnam hrang hrangte hian hnam lam entirin, hmuhnawm tak a ni. Zaithiam hrang hrangte an zai bawk. Tin, heng zohnam hrang hrangte hian Costume Parade mawi tak an entir bawk.

ZOFEST hun danga la tih ngai loh, Zohnahthlakte inpumkhatna lam hawi thawnthu inziahsiak chu Mizo Writers Association (MWA) nen tangduna buatsaih a ni a, lawmman tha tak siam a ni. Tin, ZOFEST 2006 SOUVENIR chhuah a ni a, hei hi ZOFEST neih tawha la tih ngai loh thil thar a ni. He hunah hian thupuiah ‘Insuihkhawm ang u’ tih chu hman a ni a, khawvel huapa Mizote tihmingthatu Boxer chhuanvawr Jenny R. Lalremliani leh Mary Kom te chu ropui taka chawimawi an ni bawk a.

ZOFEST 2006 buatsaih laia MZP General Headquarters hruaitute chu:

President : P.C. Laltlansanga

Vice Prersident : C. Lalhmachhuana

General Secretary : V.L. Krosshnehzova

Asst. Gen. Secretary : Ricky Lalbiakmawia

Treasurer : Lalrinmawia

Finance Secretary : S. Lalrinawma

ZOFEST 2009 - AIZAWL

ZOFEST 2009 chu October 2 - 3, 2009 khan Vanapa Hall-ah hman a ni a. ZOFEST 2009 hi ni hnih chhung hman a ni a, khuallian atan Pu R. Lalzirliana, Home Minister chu hman a ni a. Hun rukah then hrangin hun hmasa lama la tih ngai loh angin thupui thlan bik ‘Insuihkhawm leh zai i rel ang u’  tih hmangin Pu L. Keivom, Dr. Lallungmuana, Rev. Dr.  Vanlalchhuanawma ten thu ngaihnawm tak takin an sawi a ni. Thupui sawihona leh zawhna leh chhanna hun hman a ni bawk. A ni hnihna chawhnuah hemi puala Souvenir (Chibai) buatsaih chu Pu P.C. Zoramsangliana, Hon’ble Art & Culture Minister in a tlangzarh a, he souvenir-ah hian hnam inpumkhatna kawnga thu ngaihnawm tak tak mi chi hrang hrangte thuziak dah tel a ni. ZOFEST 2009 senso hi NEZCC leh Mizoram sawrkarin a tum a ni.

ZOFEST 2009 buatsaih laia MZP General Headquarters hruaitute chu:

President : C. Lalhmachhuana

Vice President : S. Lalrinawma

General Secretary : V.L. Krosshnehzova

Asst. Gen. Secretary : SF David Ngursangzuala

Treasurer : K.C. Manliana

Finance Secretary : F. Lalchuangliana

ZOFEST 2012 - DARCHAWI, TRIPURA

Tripura-a Zofate chenna hmunah ngei ZOFEST duhna leh tul tihna a len em avangin ZOFEST 2012 chu 11th - 12th December, 2012 khan Darchawi khua, Tripura-ah hman a ni a. ZOFEST 2012 hlawhtling taka buatsaih anih theih nan a tul ang apianga hma lo latu tur ZOFEST 2012 Organising Committee hetiang hian din a ni:

Chairman : Lalhmachhuana, General Secretary

Secretary : Lalremruata, Secy i/c Social & Culture

Asst. Secretary : 

1) B. Vanlaltana, Secy i/c Establishment

2) Chinkhanmanga Thomte, Vice President, GJC SU

Members :

1) All Elected OBs & All Appointed Secretaries

2) Lalmuanpuia Punte, Adviser, MZP

3) C. Lalremruata, ECM

4) Lalnuntawma Fanai, Editor MZP Chanchinbu

5) Malsawmring Ranglong, General Secy. RSU

6) C. Lalhmingthanga, President MZP Hqrs, Behliangchhip

7) Saithuama, ECM

8) Lalremsanga Biate, ECM

Tin, Darchawi khua Tripura-a ZOFEST kan neihna hmun tura ZOFEST 2012 hlawhtling taka buatsaih a nih theih nan a tul apianga hma lo latu tur Committee on Local Arrangement for ZOFEST 2012 hetiang hian siam a ni bawk a ni:

Chairman : B. Lalrinawma

Secretary : Lalthanliana

Asst. Secretary : Biakthanga

Members : 

1) Joseph

2) PC. Samuel

3) Lungawia

  ZOFEST 2012 pual hian Souvenir ‘INSUIHKHAWM’ tih chu buatsaih niin, mi thahnemngaite thu leh hla tha tak tak nemkai a ni a. ZOFEST 2012 senso hi MZP leh Mizoram sawrkar tangkawpin a tum a ni a, ZOFEST 2012 hlawhtlin theih nana theihtawpa min puitu leh Zofate inpumkhat nana a tul anga tha thawh thintu, Mizoram Chief Minister zahawm tak Pu Lal Thanhawla hnenah MZP chuan lawmthu a sawi tak meuh meuh a ni.

ZOFEST 2012 thupui atan “Insuihkhawm leh zai i rel ang u” tih chu hman niin, thupui sawitu chu Pu L. Keivom leh Pu B.K. Hrangkhawl te an ni a. Tin, ZOFEST 2012 pual hian Darchawi-ah “Zohnahthlakte inpumkhatna tura kan mawhphurhna” tih thupui hmangin seminar buatsaih a ni a, Resource Person atan Pu C. Chhuanvawra chu hman a ni.

ZOFEST 2012-ah hian palai hmun hrang hrang atangin heng: Mizoram, Manipur, Assam, Meghalaya, Tripura, leh Myanmar atangten an lokal a ni. ZOFEST kaltlanga khawvel hmun hrang hranga Zofaten mihringte siamchawp ramriin a dan phak rual loha inunauna tha leh thinlung chhungrila inpawhna tha kan neih theih hi MZP duhthusam a ni a, Zohnahthlak hnam hrang hrangte kan inpumkhat theih nan MZP chuan a theih ang apiangin hma a la chhunzawm zel dawn a ni.

ZOFEST 2012 buatsaih laia MZP General Headquarters hruaitute chu :

President : James Thanghmingmawia

Vice President : Lalsangzuala Ngente

General Secretary : Lalhmachhuana

Asst. Gen. Secretary : L. Ramdinliana Renthlei

Treasurer : R. Lalrokima

Finance Secretary : Thangchhuahliana

ZOFEST 2014 - HAFLONG, ASSAM

MZP Rorelna sang ber MZP Assembly 2013, 17th September, 2013-a Vanapa Hall Aizawl-a neih chuan ‘kum 2014 chhung hian ZOFEST neih leh ni rawh se’, tia alo rel angin ZOFEST 2014 chu Assam-a Zofate chenna hmun Haflong khuaah ni 3 - 5 December, 2014-a hman a nih theih nan Organising Committee hetiang hian din a ni :

Chairman : Lalsangzuala Ngente, Vice President

Vice Chairman : R. Lalrokima, Treasurer

Secretary : Michael Lalramsanga, Finance Secretary

Asst. Secretary : Zohmingthanga Zote, Secy i/c School Education

Members :

1) Pu Thangchhuahliana, ECM

2) Pu SF David Ngursangzuala, ECM

3) Pu Lalhruaitluanga Chawngte, Adviser

4) Pu Vanlalremruata Tonson, NESO Council Member

5) President, Aizawl City College Joint Students Union (ACCJSU)

6) Pu Hmingchungnunga, Adviser

7) Pu F. Lalnienga, Adviser

8) Pu Lalnuntawma Fanai, NESO Council Member

9) President, Joint Hnampual

10) Elected Office Bearers te leh Appointed Secretaries te chu Ex-Officio member an ni.

Tin, Haflong khua Assam-a ZOFEST kan neihna hmun tura ZOFEST 2014 hlawhtling taka buatsaih a nih theih nan a tul ang apianga hma lo latu tur Committee on Local Arrangement for ZOFEST 2014 chu hetiang hian siam a ni bawk a ni:

Chairman : Ngamrothang

Vice Chairman : Lalremsiama Darnei

Secretary : Robert T. Changsan

Asst. Secretary : ST Kapa Vaiphei

ZOFEST 2014 pual hian Souvenir buatsaih niin, mi thahnemngaite thu leh hla tha tak tak nemkai a ni a. ZOFEST 2014 thupui atan “Insuihkhawm leh zai i rel ang u” tih chu hman niin, thupui sawitu chu Pu L. Keivom leh Prof. C. Nunthara te an ni a. Tin, ZOFEST 2014 pual hian ‘Zofate insuihkhawmna hmathlir’ tih thupui hmangin Workshop buatsaih a ni a, resource person atan Pu Lalhruaitluanga Chawngte Adviser MZP chu hman aa ni a, he thupui hmang hian Zofate insuihkhawm hmathlir ngaihnawm taka sawiho a ni bawk a ni.

Tin, ZOFEST 2014 ah hian Zofate inkarah inpumkhatna tha leh inunauna tha a awm theih nana thawhhlawkte chawimawina neih a ni a, heng a hnuaia mite hi chawimawi an ni :

1) Lal Thanhawla, Chief Minister Mizoram

2) L. Malsawma Colney, Mission Vengthlang, Aizawl

3) Capt. L.Z. Sailo (L), Mission Veng, Aizawl

4) R. Thangmawia, President, ZORO

5) BK Hrangkhawl, Tripura

6) L. Keivom, New Delhi, IFS (Rtd.)

7) Lalmuanpuia Punte, Kanan Veng, Aizawl

8) T. Zorampela, Chanmari West, Aizawl

ZOFEST 2014 palai tur hian hmun hrang hrang heng : Mizoram, Manipur, Assam, Meghalaya, Tripura, Bangladesh leh Myanmar atangte in an lokal a ni.       

ZOFEST 2014 buatsaih laia MZP General Headquarters hruaitute chu :

President : Lalhmachhuana

Vice President : Lalsangzuala Ngente

General Secretary : L. Ramdinliana Renthlei

Asst. Gen. Secretary : Joseph K. Zohmingliana

Treasurer : R. Lalrokima

Finance Secretary : Michael Lalramsanga

ZOFEST 2016 - ZOKHAWTHAR

MZP rorelna sang ber MZP Assembly 2015, 5th October 2015-a Vanapa Hall Aizawl-a neih chuan ‘Kum 2016 chhung hian ZOFEST neih leh ni rawh se,’ ti a alo rel angin ZOFEST 2016 chu Zokhawthar Champhai District, Mizoram-ah 6-8 December, 2016-a hman a nih theih nan Organising Committee hetiang hian din a ni:

Chairman : Lalsangzuala Ngente, President

Vice Chairman : B. Vanlaltana, Vice President

Secretary : L. Ramdinliana Renthlei, General Secretary

Asst. Secretary : Joseph K. Zohmingliana, Asst. General Secretary

Members:

1) All Elected OB

2) All MZP Appointed Secretaries  

3) All MZP Advisers & Legal Advisers

4) Ricky Lalbiakmawia, NESO Finance Secretary

5) NESO Council Member zawng zawng

6) President, Aizawl City College Joint Students Union (ACCJSU)

7) President, Hnampual hruaitu zawng zawng

8) Lalvansanga Pautu, Editor MZP Chanchinbu

9) R. Lalrokima, ECM

10) Michael Lalramsanga, ECM

11) SF David Ngursangzuala, ECM

12) Lalrinhlua, ECM

13) Zohmingthanga Zote, ECM

14) G. Thangsangmuan, ECM

15) CS Zodinsanga, ECM

16) Hmangaihhlima, ECM

17) Lalbuta

18) C. Lalbiakliana

19) Zonunpari

20) Lalthanzaua

21) Lalramlawma

22) R. Lalnuntluanga

23) Vanlalmawia

24) F. Vanlalringa

25) Pu Dinga

26) James Ramdinmawia

27) Remruata Varte

28) Zodin Sanga

29) Dr. Lalawmpuia Vanchiau

30) Laltanpuia, Advocate

31) BK Renthlei

32) Joseph (ZONET)

33) Madawnga

34) Zohmingmawia 

35) Vanlalruata (ZORO)

Tin, Zokhawthar khua Mizoram-a ZOFEST kan neihna hmun turah,  ZOFEST 2016 hlawhtling taka buatsaih anih theih nan a tul apianga hma lo la tu tur ZOFEST Local Organising 2016 chu hetiang hian siam a ni bawk a ni :

Chairman : Khualuma, VCP

Vice Chairman : Vanlalchaka, Chairman ZWC

Secretary : H. Vanlalhuma, Adviser YMA

Asst. Secretary : Pu K. Zodinpuia, Treasurer YMA

Treasurer : Pu Lalthakimi, President MHIP

Finance Secretary: Pu K. Lalthanzuala, MUP

Members : VC Member zawng zawng

Reception Leader : Pu Ramtharnghaka

Secretary : Pu Thangkunga Pachuau

Asst. Secretary : Pu Vanneihthanga

Security Leader : Pu F. Zaithanpuia

Secretary : Pu K. Lalchungnunga

ZOFEST 2016 pual hian Souvenir “RIHLIPUI” buatsaih niin, mi thahnemngaite thu leh hla tha tak tak nemkai a ni a. ZOFEST 2016 thupui atan “Unau kan ni” tih chu hman niin, thupui sawitu chu Pu L. Keivom leh Pu VL Krosshnehzova Adviser MZP te an ni a. Tin, ZOFEST 2016 pual hian ‘Unau kan ni’ tih thupui hmangin Seminar buatsaih a ni a, resource person atan Prof. J. Doungel Political Science Department Mizoram University (MZU) chu hman a ni a, he thupui hmang hian Zofate khawvel hmun hrang hrang a mi unau kan nih zia ngaihnawm taka sawiho a ni bawk a ni.

Tin, ZOFEST 2016-ah hian khawvel pum huapa Zofate ti hming thatu leh khawvela Zofate min pholangte chawimawi an ni a, heng a hnuaia mite hi chawimawi an ni : 

1) Lalrintluangi, Everester

2) Jeje Lalpekhlua, Indian Football Captain

ZOFEST 2016 palai tur hian hmun hrang hrang heng : Mizoram, Manipur, Assam, Meghalaya, Tripura, Arunachal Pradesh, Bangladesh leh Myanmar atangte in an lokal a ni.

ZOFEST 2016 buatsaih laia MZP General Headquarters hruaitute chu :

President : Lalsangzuala Ngente

Vice President : B. Vanlaltana

General Secretary : L. Ramdinliana Renthlei

Asst. Gen. Secretary : Joseph K. Zohmingliana

Treasurer : Lalnunmawia Pautu

Finance Secretary : Michael Zonuntluanga

ZOFEST 2018 - REIEK

MZP rorelna sang ber Assembly 2017, ni 24th October-a Electric Veng YMA Hall-a neih chuan “Zohnam Inkhawmpui lian ZOFEST 2018 neih leh ni rawh se” tia a lo rel angin ZOFEST 2018 chu Reiek khua, Mamit District-ah Ni 4 - 7 December-ah hman anih theih nan hetiang hian Organising Committee din a ni :

Chairman : B. Vanlaltana, Vice President

Secretary         : Michael Lalramsanga, Treasurer

Asst. Secretary : K. Lalnunhlima, Secy i/c External Affairs

Members :

1) All Elected OB

2) All Appointed Secretaries

3) All Advisers & Legal Advisers

4) Ricky Lalbiakmawia, Fin. Secretary NESO

5) R. Lalrokima, ECM

6) Joseph K. Zohmingliana, ECM

7) Zohmingthanga Zote, ECM

8) S. Dochhuanawma, ECM

9) Lalthanzuali Renthlei, ECM

10) Peter Chhangte, NESO

11) Hmangaihhlima, NESO

12) Chinkhanmanga, NESO

13) Lalhruaitluanga, NESO

14) Lalremruata, NESO

15) Hrangkima Tuallawt, NESO

16) Lalrinhlua, NESO

17) Ricky Lalzawma, NESO

18) R. Lalkhawngaiha, ECM

19) Lalngaihawmi Ralte, ECM

20) H. Lalthuthlunga Zate, ECM

21) H. Lalfakzuala, ECM

22) Vanlalremruata, ECM

23) Lalhuapliana, ECM

24) Zonunpari

25) Vanramlawma

26) Zinkhumlian

27) Andy Ngurkhuma Pudaite

28) Vanneihthanga, LPS

29) J. Malsawmzuala Vanchhawng

30) Janet Lalrintluangi Hauhnar

31) Mary Winchester Zoluti

32) President/General Secretary ACCJSU

33) President or Representatives of HSA, MBSA, LSA, SSPP, TKSU, RSU, MSO, PZP

ZOFEST 2018 pual hian Souvenir changtlung tak “CHHINLUNG” buatsaih niin, mi thahnemngaite thu leh hla tha tak tak nemkai a ni a. ZOFEST 2016 thupui atan “Insuihkhawm leh zai i rel ang u” tih chu hman niin, Prof. C. Nunthara, Shillong leh Rev. Dr. Vanlalchhuanawma, Laipuitlang Aizawl ten thiam takin an sawi a. Resource Person Dr. C. Lalawmpuia Vanchiau hnen atangin Paper ngaihnawm tak ngaihthlak a ni bawk a, sawihona hun tha tak neih a ni bawk.

ZOFEST 2018-ah hian Pi Ebenezer Siami@Aye Aye Mu, MP, Sagaing Region, Kalaymyo Constituency, Myanmar, - Pu Cross Remliana, Councellor of Rangamati Hills District, Bangladesh, - Dr. C. Vanlalramsanga, IES, Secretary to the Govt. of Mizoram ten khuallian niin min hmanpui a. Tin, Pu CL Ruala, MP (Lok Sabha), Mizoram - Pi Ni Sui Lian, MP Chin State, Hakha Constituency, Myanmar - Dr. Riang Vel, MP Chin State, Falam Constituenc, Myanmar - Dr. Kyi Moet Moet Lwin, MP Mandalay Region, Sintkiang Constituentcy, Myanmar ten uaptu niin min hmanpui bawk.

Tin, ZOFEST 2018-ah hian khawvel huapa Zofate min ti hmingthatu Nl. Lalremsiami Hockey Player leh ZOFEST kan neih theihna tur atana sulsutu Pu Lalthuthlungliana, Ex-President MZP Hqrs. Manipur te chu chawimawina hlan an ni bawk.

ZOFEST 2018 hmang tur hian Mizoram chhung mai ni lo, Assam, Manipur, Tripura, Bangladesh leh Myanmar atanginZofa unau hnam hrang hrang thahnem tak kan kal khawm bawk a ni. 

Kum danga la tih ngai loh ZOFEST 2018-ah hian “Cultural Day” hman a ni a, Zofa hnam hrang hrang atangin mahni hnam lam leh zai mawi tak tak kan thlirin kan ngaithla a, mit leh beng a tlai tak zet a ni. A vawi khatna turin ZOFEST 2018 Miss & Mister Zofa hnam hrang hrang aiawh atangin thlanna neih a ni bawk. ZOFEST 2018 Miss - Nl. May May Thang Pai, Myanmar, ZOFEST 2018 Mister - Tv. James Molsom, Tripura te thlan an ni.

ZOFEST 2018 hlawhtling taka neih anih theih nan a thlengtu Reiek lamah Organising Board tha tak din niin, hruaitute chu:

Chairman : Pu Vanlalchhuanga, VCP Reiek

Vice Chairman : Pu H. Lalramliana, President YMA Reiek

Secretary : Tv. Lalawmpuia Renthlei, President MZP Reiek

Asst. Secretary : Pu C. Vanneihtluanga, Secretary MZP Reiek

Treasurer : Pu Zolianzuala, Secy. YMA Reiek

Finance Secretary: Pu C. Lalsangpuia, Member VC Reiek

Heng bakah hian NGO leh khawtlang aiawh mi 29 Committee Member-ah ruat an ni bawk. Tin, Sub-Committee hrang hrang siam a ni bawk.

ZOFEST 2018-ah hian Pandal mawi tak sak niin a hmingah ‘ZO INPUI’ vuah a ni bawk.

ZOFEST 2018 buatsaih lai 2017 - 2019-a MZP General Headquarters Office Bearer (OB) te chu :

President : L. Ramdinliana Renthlei

Vice President : B. Vanlaltana

General Secretary : Lalnunmawia Pautu

Asst. General Secretary : H. Lalthianghlima

Treasurer : Michael Lalramsanga

Finance Secretary : Andrew F. Lalramnghaka

ZOFEST 2022 - SIALSUK

MZP rorelna sang ber Assembly 2021, ni 4 November-a Vanapa Hall Aizawl-a neih chuan “Zohnam Inkhawmpui lian ZOFEST 2022 neih leh ni rawh se” tia a lo rel angin, ZOFEST 2021 chu Sialsuk khua, Aizawl District-ah ni 6 - 9 December-ah hman a nih theih nan hetiang hian Organising Committee din a ni :

Chairman : Lalnunmawia Pautu, President

Secretary : Jacob Lalmuanpuia, General Secretary

Asst. Secretary : Lalentlinga, Secy i/c Information

Members:

1) All Elected OB

2) All Appointed Secretaries

3) All Advisers & Legal Advisers

4) Ricky Lalbiakmawia, NESO Finance Secretary

5) Lalremruata Hlondo, NESO Coordinator

6) All NESO Council Member

7) R. Lalrokima, ECM

8) Michael Lalramsanga, ECM

9) Lalvansanga Pautu, ECM

10) H. Lalthianghlima, ECM

11) C. Laltanpuii, ECM

12) C. Lalremruata, ECM

13)  Aron Ranglong, G.S. Joint Hnampual

14) F. Ngurbiakvela, ZORO

15) Lalbiakhlua, MCO

16) President & General Secretary MZP Gen. Hqrs (1993-2021)  

ZOFEST 2022 pual hian Souvenir changtlung tak “LAILUN” buatsaih niin, mi thahnemngaite thu leh hla tha tak tak nemkai a ni a. ZOFEST 2022 thupui atan “Chhul khat kual kan ni” tih chu hman niin, thupui hmang hian Zofate khawvel hmun hrang hrang a mi unau kan nih zia ngaihnawm leh thiam takin Pu Lalmuanpuia Punte Ex-President MZP Gen. Hqrs leh Pu Lalhruaitluanga Chawngte, Adviser MZP ten an sawi a ni.

ZOFEST 2022 palai tur hian hmun hrang hrang heng: Mizoram, Manipur, Assam, Meghalaya, Tripura, Arunachal Pradesh, Bangladesh, Myanmar leh USA atangte in thahnem tak kan kal khawm a ni. ZOFEST kaltlanga khawvel hmun hrang hranga Zofate hi in unauna tha leh thinlung chhungril a inpawhna tha kan neih theih hi MZP duhthusam a ni a, Zofa hnam peng hrang hrangte kan inpumkhat theih nan MZP chuan a theih ang apiangah hma a la chhunzawm zel dawn a ni.

ZOFEST 2022-ah hian ‘Cultural Day-Zo ze chawi Ni’ hman a ni a. Zofa hnam peng hrang hrang atangin mahni hnam lam leh zai mawi tak tak kan thlirin kan ngaithla a. ZOFEST 2022 Miss leh Mister Zofa hnam hrang hrang aiawh atangin thlanna neih a ni bawk. 

ZOFEST 2022 hlawhtling taka neih anih theih nan a thlengtu Sialsuk, Village Council kaihhruaina hnuaiah Local Organising tha tak din niin, hruaitute chu:

Chairman : Lalneihkima, Vice President, VC Sialsuk

Secretary         : Lalmuansanga

Local Organising-ah hian NGO leh khawtlang hruaitute Committee Member-ah ruat an ni a. Tin, Sub-Committee peng hrang hrang siam a ni bawk.

ZOFEST 2022-ah hian Pandal mawi tak sak niin, a hmingah ‘CHHINLUNG” vuah a ni bawk.

ZOFEST 2022 buatsaih laia MZP General Headquarters Office Bearer (OB) te chu :

President : Lalnunmawia Pautu

Vice President : Andrew F. Lalramnghaka

General Secretary : Jacob Lalmuanpuia

Asst. Gen. Secretary : Chinkhanmanga Thomte

Treasurer : Sanghmingthanga

Finance Secretary : Lalhuapliana

ZOFEST 2022 - W. PHAILENG

MZP rorelna sang Assembly vawi 67-na, ni 21 September, 2023 (Ningani) a neihin “Zofest hi kum 2024-ah buatsaih leh ni rawhse” tia a rel angin, Zofest vawi 10-na chu  ni 3-6 December, 2024 chhung khan W. Phaileng, Mamit District, Mizoram-ah nghah a ni a. Heng a hnuaia tarlan ang hian Organising Committe din a ni:-

Chairman : Pu. H. Lalthianghlima, President

Vice Chairman : Pu C. Lalremruata, Vice President

Secretary         : Pu Chinkhanmanga Thomte, Gen. Secy. 

Asst. Secretary : Pu C. Lalhmingsanga, AGS

Committee Members:-

1. All Elected OB

2. All Advisers

3. All Appointed Secretary

4. NESO represent (Vice Chairman & Coordinator)

5. S. Dochhuanawma, NESO C.M

6. Lalvansanga Pautu, NESO C.M

7. Ricky Lalzawma, NESO C.M

8. Lalruatfela, NESO C.M

9. B. Lalruatpuia, NESO C/M

10. R. Lalrokima, ECM

11. Andrew F. Lalramnghaka, ECM

12. Jacob Lalmuanpuia, ECM

13. H. Lalthuthlunga Zate, ECM

14. President, All Hnampual Zirlai Pawl

15. President & Gen. Secretary. ACCJSU

16. Pu Lalmuanpuia Punte, Ex President 

17. Pu F. Lalruatliana, ZoRO aiawh

18. Mizoram Jounalist Association aiawh.

Organising Committee hnuaiah hian Sub Committee hrang hrang din a ni a, an ni hian Programme hlawhtling taka neih a nih theih nan an hma zawnah theuh hna an thawk a. Zofest thlengtu W. Phaileng-ah pawh Local Organising Committee din niin— Pandal sak, Mikhual thlen, Mikhual dawnsawn leh a tul ang apiang an thawk a ni. 

Zofest 2024 thupui atan, ‘Hrui khat vuanin” tih hman a ni a. Thupui hi Pu Lalmuanpuia Punte MZP Ex President (Adviser to Chief Minister)-in a sawi. Pu Lalduhoma Mizoram Chief Minister, Pu PC Vanlalruata Minister, Dr. Vanlalthlana Minister, Prof. Lalnilawma Minister of State leh Pu Lalnghinglova Hmar Minister of State-te khuallian an ni a. Thupui sawihona; Pum Titi hlawkthlak tak hman a nih bakah, hnam thuam entirna (costume parade), Zofest thlanna, Zoze Chawi Ni, Hnam lam leh zaite ngaihthlaka hun nuam tak hman a ni. 

Palai hi Mizoram, Assam, Tripura, Manipur, Myanmar leh Bangladesh atangin Zofa chi peng hrang hrang an kalkhawm a. USA atangin pawl hrang hrang aiawh an rawn tel thei a. MZP General Headquarters, Headquarters, Sub Headquarters, Branch leh College SU atangin palai thahnem tak an tel thei a ni. Zofest 2024 hriatreng nan Lehkhabu tha tak mai “Zawlbuk” buatsaih a ni bawk. 

Zofest 2024 buatsaih laia MZP General Headquarters Office Bearer (O.B) te chu:

President : H. Lalthianghlima

Vice President : C. Lalremruata

General Secretary : Chinkhanmanga Thomte

Asst. Gen. Secretary: C. Lalhmingsanga

Treasurer : Zairemthanga

Finance Secretary : Rothanliana    

Khawvel hmun hrang hranga awm Zofate’n inpumkhatna leh inunauna tha zawk kan neih zel theih nan, thahnemngai takin thawk ho zel ila. Hmangaihna leh induhsakna nen in tanpui tawn zelin, hmalam i pan zel ang u. Ka lawm e.

Hrui khat vuanin

Insuihkhawm leh zai i rel ang u