ZOFEST 2024 THUROLUM

Ni 5 December 2024 a Zofest W. Phaileng a neiha palaite chuan, a hnuaia tarlan ang hian thurolum kan siam:-

1. India, Burma, Bangladesh leh ram hrang hranga Zofa awmte hi thisena unau, thlah khat kan ni a. Ramriin min thendarh mahse hnam nunphung inang, ze inang, rinna thuhmun kan ni. 

2. Vawiinah hian ramriin min thendarh rih mahse, engtik niah emaw chuan ram rorelna pakhat hnuaiah kan la awmkhawm ang tih kan ring tlat a ni. 

3. Zofate tuna kan awmna ram theuhah, khua leh tui ṭha ni turin kan infuih a. Harsatna leh buaina kan tawh hunah inpuih tlan zel tha kan ti. 

4. MZP-in Zofate kan insuihkhâwm theih nana a hmalakna hi kan thlawp a, theih ang angin kan ṭawiawm zel ang.