INSUIHKHAWM LEH ZAI I REL ANG U

Padma Bhushan Awardee
Capt. L.Z.Sailo (L)

Phuahtu: Capt. L.Z Sailo

Unaute u, in dam tlang a lawm maw?
Rinawmna chibai in dawng thei em?
Chhinglung chhungkhat Zofa kan nih hrereng in,
Insuihkhawm leh zai i rel ang u.

    Aw thang leh thar ten enge kan tih ang le?    
    Kan chanvo kan bil neihna kawng chu;    
   Thawkchhuak turin enge kan tih tak ang le?   
   Insuihkhawm leh zai i rel ang u.

Unaute u, in dam tlang a lawm maw,
Rinawmna chibai inbuk ang le;
Chhinlung chhungkhat Zofa kan nih hrereng in,
Insuihkhawm leh zai i rel ang u.

Unaute u, han dawn nawn leh teh u,
Khawvel unau hnamdang hriattir zel in;
Kan nih na chung Pathian lo ruat sa ang khan,
Insuihkhawm leh zai i rel ang u.

He hla hi Capt. L.Z.Sailo-an 18.02.1979 khan Tlaksih khua, Tripura, Jampui Hills-a a phuah a ni a, MZP hian a neitu ang maiin hla puiah neiin MZP hun pawimawhah a chawi lar em em thin a ni. A bik takin Zofate insuihkawhna tura Zo Hnam inkhawmpui MZP in a hman thin Zofest-ah phei chuan hlapuiah a hmang reng a, inkhawmpui thupui atan a hmang ziah bawk. Kumin Zofest-ah pawh hian, "Insuihkawhm leh zai i rel ang u" tih chu thupui atan thlan leh a ni.

He hla hi 2016 Zofest khan MZP in recording buaipuiin, Music Vedio a lo siam tawh a, a duh te tan Youtube lamah en theihin dahchhuah a ni.