Reiek tlawh

Vawiin 28 November, 2018 (Nilaini) hian Tv. L. Ramdinliana Renthlei President MZP hoin Pu B.Vanlaltana Chairman, Zofest Organising Committee leh hruaitu dang panga (5) te chuan Reiek tlawhin Zofest atana inbuatsaihna hrang hrang te leh Pandal sak mek te an tlawh a, hmalak zel dan tur an en ho a.

Zofest Pandal sak hna hi Reiek Organising Board hmalakna hnuaiah kalpui mek zel niin, hnathawk hi Pu P. Sangkhuma Pandal Sub Committee Chairman in a ho a ni.

Pandal hi Reiek playground ah sak niin, a dung 90 ft. leh a vang 60 ft. a sak mek a ni a. Stage zauh belh tura tih a nih angin, pandal sei zawng (a dung lam) pawh 15 ft. sak belh a ni ang.

Tunah hian pandal chung khuh zawh tawh niin, stage hnung pawh pin zawh tawh a ni a. Stage pawh dawh a nih tawh bakah pandal sira dawr hrang hrang tur sak zawh tawh a ni bawk. Pandal sak hna hi 40% vel zawh tawh a ni a, hmabak awm ang ang te chak taka thawk chhunzawm tura ruahman a ni.

Pandal sak chak zawka kalpui a nih theih nan, Reiek Sub-Headquarters MZP leh Zofest Organising Board Reiek ruahmannain naktuk 29 November, 2018 (Ningani) hian hnatlangpui koh nghal a ni a, Organising Committee pui ruahmannain MZP General Headquarters lam pawhin hnatlang koh pawh a tintuah mek bawK,

Vawiin a Aizawl lam atanga Reiek tlawh a kal te hi MZP Sub-Headquarters hian an lo dawngsawng a, MZP President leh Organising Committee Chairman te hi; Tv. Chinkhanmanga NESO Council Member, Pu Vanlalruata E.C.M, Tv. Sanghmingthanga Secy. i/c Organisation, Tv. Ricky Lalchhandama Secy. i/c Establishment leh Nl. Baby Lalnunfeli ten an tawiawm a ni.