Pandal sak hnatlangpui neih a ni

Aizawl, December 1, 2018: Vawiin khan ZOFEST 2018 inbuatsaihna atan Hnatlangpui neiin pandal leh a chhehvelah mi 200 chuang an thawk.

Vawiin hnatlangte hian Pandal leh a sira photobooth bakah dawr hrang hrangte an sa a. Ceiling siamin, stage, Back stage bakah Light and Sound leh Camera man te awmna tur an siam bakah Electric wiring khawih nghal a ni.

Vawiin Hnatlang ah hian MZP General Headquarters aṭangin president L Ramdinliana Renthlei hovin mi 30 chuang an tel a. Zan dar riat velah chaw an ei, ei kham hnuah Reiek chhuahsanin Aizawl an pan leh a ni.

MZP buatsaih ZOFEST 2018 hi Reiek khua-ah December 4 - 7, 2018 chhung hian neih tur a ni a. Inbuatsaihna pawhin a vawrhtawp a thleng tawh  a ni.

ZOFEST 2018 Pandal pawh sak zawh tawh niin a hmingah 'Zo Inpui' vuah a ni bawk.