December 08, 2018
Zo hnahthlak Zofa khawvel hmun hrang hrang atanga Zofest 2018 hmang tura Reiek a lokal unau duhtak te. In zavaiin Zofest duhsakna chibai ka bûk a che u!
Zofate zawng zawng huapa intawhkhawmna, Zofest, hi a ropuiin Zofate ten a hlu tak meuh meuh a. Hetiang hun min buatsaih sak tu Mizo Zirlai Pawl (MZP) te chungah a hmasain lawmthu ka sawi a. He hun ngaipawimawh a, khawvel hmun hrang hrang atanga Zofa rawn fuankhawma "Zo Inpui" a rawn lawi lut zawng zawngte chungah pawh thinlung takin lawmthu ka sawi bawk a ni.
He inkhawmpui hi Zofate insuihkhawmna hmanraw tangkai leh hlu tak a ni. MZP ten nung taka an buatsaih zel thei hi alawmawm tak meuh a ani. Zofest hi hlawk takin vawi sarih (7) lai hman ani tawh a, Zofest 2018 pawh hi hlawk taka hmang theuh turin kalkhawm zawng zawng duhsakna ka hlan che u.
Kan thupui “Insuihkhawm leh zai i rel ang u” tih sawi tur a ruat mithiam bik te kan nei dawn a. ‘Zofate hi engtik lai khan nge kan insuihkhawm tawh thin a, insuihkhawm leh zai rel turin enge kan tih tur ni a, eng ang takin nge kan insuihkhawm theih ang’ tih tepawh kan thupui sawitu te hnen atangin kan la ngaihtuah ho turah ngai ta ila. Thupui sawitu te huang dai lo chiah vel turin kan thupui hawi zawng, hlawm thum emaw lek, sawi ka tum a.
*Zofate inunauna*: Zofate hi khawvel hmun hrang hrangah awm darh mah ni ila, kan rilru a inzawm thain, inunauna kan vawng nung tha thawkhat hle niin ka hria. Ka mit hmuh leh benga ka hriat te atangin han sawi ta ila. Zofa hmun hrang hrang a awm darh te hi kan in zawng chhuak zung zung thin a. Chhiatni thatni ah kan in tawiawm liam liam a, kan inphatsan ngai lo. Kan Zo zepui tlawmngaihna hian min phuarkhawm thin a. Pathian dik, sakhaw dik kan vawn tlat na pawhin min hung khawm tha viau ani. Zofa te hian hnam bil pawh sawi lovin hmun hrang hrangah inkhawmna hmun khat leh welfare society khat kan din thei a. Zo hnahthlak Directory te siamin inunauna tha tak kan vawng thei hi hnam dangin min awt em em thin. Zofate huap kim deuh zawk a hei hi kan kalpui chhoh zel atha khawp ang.
Central Sawrkar a ka thawh lai khan khawvel ram hrang hrang kan fang kual ve a. Ram 32 chu ka zinkual ve a. Ram tam zawkah chuan Zofa unau hmuh tur an lo awm zel mai. Zo hnathak unaute khawvel ram hrang hrang ah bekang ro leh hmarcha dip an chhung ten duhsak taka an thawn ka ken kual sak hnem ve hle ani. Zofate hi khawvel hmun hrang hrangah kan inzar pharh nasa ta hle mai. Heng kan awmna hmunah te hian Zofa unau te an in zawng chhuak thin a. An awmna ram tlawhtu Zofa unaute pawh an lo mikhualin an lo uksak thin a ni. Hetiang hian hnam dangin an ti ve thin ang em aw? Zofate hian inunauna thuk takin kan la vawng nung niin alang. Hmasawn zel tur erawh chuan huapzo leh fun kim deuh zawka inunauna kan lan tir zel a tha hle ang.
*Zofate inlungrualna*: Zofate in unauna lam hi kan sawi hnem thawhkhat viau thin a. Zofate inlungrualna leh eng kawngah nge kan inluangrual ang? tih hi kan sawi tam lo deuh rih a ni awm e. Inunauna satliah ai pawhin inlungrualna ṭha hi ram leh hnam dinchhuahna atan a pawimawh zawk hial awm e. Zofate hi kan inlungrual loh chuan insuihkhawm lam aiin darh lam kan pan dawn tihna ani! Chuvang chuan Zofate insuihkhawma turin Zofate inlungrualna hi duhthlan tur (option) nilovin tih loh theih loh (compulsion) ah ngaih tur niawm tak ani.
Zofate hi eng kawngah nge kan inlungrual ang? A pawimawh hmasa berah chuan Zo hnathlak, thisen zawmpui kan ni tih ah hian kan inlungrual hmasak a ngai. Vawiin a lokal khawm te hian chu chu kan chiang tlang a. Kan inlungrual avanga lo kal khawm kan ni. Hei hi huam zau zawkin chawi nung zel ang u.
“Zo” kan hmanna te hi uluk thar leh teh ang u khai! A mawilo lam leh tha lo lam sawinan kan hmang fo mai hi sim a ngai. “A zo ve hle mai” kan tih chuan a changkanglo viau tihna lam a kawk a. “A zo hle mai” tih hi a tha in a nalh hle mai tih sawina emaw ngaihsanawm tak ani tih sawina atan hmang zawk teh ang u. A “zo vah mai” min tih chuan nuih var var na tur leh lawmna tur ni rawh se!
Vawiin a lo kal khawm te hi khawvel hmun hrang hrangah kan awm a, kan awmna theuhah Zofa unau kan awm khawm a. Heng Zofa ten kan awmna hmun leh luah ram kan hum tlat theuh theihna tur a kan lungrual tlan a ngai hle. Kar hmasa khan Tripura lamah kan zin a. Zofa te luah thin ram tam tak hnam dangin an luah tawh thu min hrilh a. “Khuma Kai” tepawh Kumarghat khua a lo ni tak dan te min lo hrilh a. Rilru a kal thui hle. Mahni luah ram theuh kan zauh theilo anih pawhin kan hum tlat a ngai a ni. Pun lam kan pan theilo anih pawhin ral lam pan lo turin kan tan mar hle ṭheuh a ngai a ni.
Hemi kawngah hian Zofate Jerusalem kan Zoram ngei pawh hian chhung lam leh pawn lamah hmelma a nei ni tepawhin alang a. Zofa unau hmun hrang hrang a awm te pawhin hei hi kan vei tlang hle a, a ven himna kawngah pawh kan lungrual viau niin alang.
MZP te ramri humhalh turin Zophaiah an rammu a. Tin, hmanni lawkah Joint NGO buatsaih “Hnam hnatlang” kan nei a. Khang kan hun tawng pawimawh tak pahnihah khan khawvel hmun hrang hrang a Zofa ten lungrual takin MZP hmalakna leh Hnam Hnatlang kan thlawp thu kan chhuah chum chum mai te khan “Zofa te inlungrualna chuan thil nasa tak a ti theih ani” tih a tilang chiang hle. Israel fate Jerusalam lam hawia an tawngtai nitin ṭhin ang khan Zofate Jerusalam Zoram himna hi kan inlungrual thlan rengna tur ani. Isarel fate chuan Jerusalem an luah lum hlei thei lova. Pathian Temple thlengin hnam dang leh sakhaw dangin an luah anih khu! Khutiang khu kan nih ve loh na turin Pathian rawn chungin tan la thar zual sauh sauh ang u khai.
*Zofate Insuihkhawmna*: Zofate inunuana leh inlungrualna atang chauhin Zofate insuihkhawmna hi a thleng thei ang tih ka ring. Zofate hi khawvel hmun hrang hranga kan awmna leh kan luah ram theuh-ah Zo hnathlak, uanu, thinsen zawmpui kan nihna vawng nung zel ila. Hnamah leh hnaah rinawm tak a awmin rinawmna chibai in buk tawn thei zel ila.
Kan hriat fo tur erawh chu tunlai khawvelah insuihkhawmna thlentu pawimawh em em chu ram hmasawnna, eizawnna leh zirna kawnga remchanna (opportunities) leh hausakna ani. Hnam pawh, chhungkua pawh, unau pawh retheihna hian min thendarh thin a. Awmkhawm duh ngawih ngawih pawh ram hausa zawk leh remchanna min pe thei zawkah kan pem lawng lawng fo anih hi. Hmasawnna te, Remchanna (opportunities) te, leh Hausakna te chuan min hruai khawm thung thin. Zofate hi kan awmna ṭheuhah ram hmasawnna chak zawka kalpui turin taima tak leh rinawm takin thawk theih ang u khai. Zofate hian Pathian hruaina leh malsawmna kan dawng thin a. Keini hian kan zir phawt chuan hnam ropui takah Pathian hian min din a duh ngei ang tih a rinawm. Chumi thleng tur chuan Pathian duhzawng leh malsawm tlaka awm turin taimakna te, dikna leh rinawmna nena hmasawn duhna rilru pu chunga hmalam pan tur kan ni tih hria in vawng reng ṭheuh ila. Nang leh kei hian Zofate dinchhuahna kawngah mawh kan phur tlat ani tih Zofest hmangtu te hian hre thar leh theuh ang u.
Ka lawm e.
He inkhawmpui hi Zofate insuihkhawmna hmanraw tangkai leh hlu tak a ni. MZP ten nung taka an buatsaih zel thei hi alawmawm tak meuh a ani. Zofest hi hlawk takin vawi sarih (7) lai hman ani tawh a, Zofest 2018 pawh hi hlawk taka hmang theuh turin kalkhawm zawng zawng duhsakna ka hlan che u.
Kan thupui “Insuihkhawm leh zai i rel ang u” tih sawi tur a ruat mithiam bik te kan nei dawn a. ‘Zofate hi engtik lai khan nge kan insuihkhawm tawh thin a, insuihkhawm leh zai rel turin enge kan tih tur ni a, eng ang takin nge kan insuihkhawm theih ang’ tih tepawh kan thupui sawitu te hnen atangin kan la ngaihtuah ho turah ngai ta ila. Thupui sawitu te huang dai lo chiah vel turin kan thupui hawi zawng, hlawm thum emaw lek, sawi ka tum a.
*Zofate inunauna*: Zofate hi khawvel hmun hrang hrangah awm darh mah ni ila, kan rilru a inzawm thain, inunauna kan vawng nung tha thawkhat hle niin ka hria. Ka mit hmuh leh benga ka hriat te atangin han sawi ta ila. Zofa hmun hrang hrang a awm darh te hi kan in zawng chhuak zung zung thin a. Chhiatni thatni ah kan in tawiawm liam liam a, kan inphatsan ngai lo. Kan Zo zepui tlawmngaihna hian min phuarkhawm thin a. Pathian dik, sakhaw dik kan vawn tlat na pawhin min hung khawm tha viau ani. Zofa te hian hnam bil pawh sawi lovin hmun hrang hrangah inkhawmna hmun khat leh welfare society khat kan din thei a. Zo hnahthlak Directory te siamin inunauna tha tak kan vawng thei hi hnam dangin min awt em em thin. Zofate huap kim deuh zawk a hei hi kan kalpui chhoh zel atha khawp ang.
Central Sawrkar a ka thawh lai khan khawvel ram hrang hrang kan fang kual ve a. Ram 32 chu ka zinkual ve a. Ram tam zawkah chuan Zofa unau hmuh tur an lo awm zel mai. Zo hnathak unaute khawvel ram hrang hrang ah bekang ro leh hmarcha dip an chhung ten duhsak taka an thawn ka ken kual sak hnem ve hle ani. Zofate hi khawvel hmun hrang hrangah kan inzar pharh nasa ta hle mai. Heng kan awmna hmunah te hian Zofa unau te an in zawng chhuak thin a. An awmna ram tlawhtu Zofa unaute pawh an lo mikhualin an lo uksak thin a ni. Hetiang hian hnam dangin an ti ve thin ang em aw? Zofate hian inunauna thuk takin kan la vawng nung niin alang. Hmasawn zel tur erawh chuan huapzo leh fun kim deuh zawka inunauna kan lan tir zel a tha hle ang.
*Zofate inlungrualna*: Zofate in unauna lam hi kan sawi hnem thawhkhat viau thin a. Zofate inlungrualna leh eng kawngah nge kan inluangrual ang? tih hi kan sawi tam lo deuh rih a ni awm e. Inunauna satliah ai pawhin inlungrualna ṭha hi ram leh hnam dinchhuahna atan a pawimawh zawk hial awm e. Zofate hi kan inlungrual loh chuan insuihkhawm lam aiin darh lam kan pan dawn tihna ani! Chuvang chuan Zofate insuihkhawma turin Zofate inlungrualna hi duhthlan tur (option) nilovin tih loh theih loh (compulsion) ah ngaih tur niawm tak ani.
Zofate hi eng kawngah nge kan inlungrual ang? A pawimawh hmasa berah chuan Zo hnathlak, thisen zawmpui kan ni tih ah hian kan inlungrual hmasak a ngai. Vawiin a lokal khawm te hian chu chu kan chiang tlang a. Kan inlungrual avanga lo kal khawm kan ni. Hei hi huam zau zawkin chawi nung zel ang u.
“Zo” kan hmanna te hi uluk thar leh teh ang u khai! A mawilo lam leh tha lo lam sawinan kan hmang fo mai hi sim a ngai. “A zo ve hle mai” kan tih chuan a changkanglo viau tihna lam a kawk a. “A zo hle mai” tih hi a tha in a nalh hle mai tih sawina emaw ngaihsanawm tak ani tih sawina atan hmang zawk teh ang u. A “zo vah mai” min tih chuan nuih var var na tur leh lawmna tur ni rawh se!
Vawiin a lo kal khawm te hi khawvel hmun hrang hrangah kan awm a, kan awmna theuhah Zofa unau kan awm khawm a. Heng Zofa ten kan awmna hmun leh luah ram kan hum tlat theuh theihna tur a kan lungrual tlan a ngai hle. Kar hmasa khan Tripura lamah kan zin a. Zofa te luah thin ram tam tak hnam dangin an luah tawh thu min hrilh a. “Khuma Kai” tepawh Kumarghat khua a lo ni tak dan te min lo hrilh a. Rilru a kal thui hle. Mahni luah ram theuh kan zauh theilo anih pawhin kan hum tlat a ngai a ni. Pun lam kan pan theilo anih pawhin ral lam pan lo turin kan tan mar hle ṭheuh a ngai a ni.
Hemi kawngah hian Zofate Jerusalem kan Zoram ngei pawh hian chhung lam leh pawn lamah hmelma a nei ni tepawhin alang a. Zofa unau hmun hrang hrang a awm te pawhin hei hi kan vei tlang hle a, a ven himna kawngah pawh kan lungrual viau niin alang.
MZP te ramri humhalh turin Zophaiah an rammu a. Tin, hmanni lawkah Joint NGO buatsaih “Hnam hnatlang” kan nei a. Khang kan hun tawng pawimawh tak pahnihah khan khawvel hmun hrang hrang a Zofa ten lungrual takin MZP hmalakna leh Hnam Hnatlang kan thlawp thu kan chhuah chum chum mai te khan “Zofa te inlungrualna chuan thil nasa tak a ti theih ani” tih a tilang chiang hle. Israel fate Jerusalam lam hawia an tawngtai nitin ṭhin ang khan Zofate Jerusalam Zoram himna hi kan inlungrual thlan rengna tur ani. Isarel fate chuan Jerusalem an luah lum hlei thei lova. Pathian Temple thlengin hnam dang leh sakhaw dangin an luah anih khu! Khutiang khu kan nih ve loh na turin Pathian rawn chungin tan la thar zual sauh sauh ang u khai.
*Zofate Insuihkhawmna*: Zofate inunuana leh inlungrualna atang chauhin Zofate insuihkhawmna hi a thleng thei ang tih ka ring. Zofate hi khawvel hmun hrang hranga kan awmna leh kan luah ram theuh-ah Zo hnathlak, uanu, thinsen zawmpui kan nihna vawng nung zel ila. Hnamah leh hnaah rinawm tak a awmin rinawmna chibai in buk tawn thei zel ila.
Kan hriat fo tur erawh chu tunlai khawvelah insuihkhawmna thlentu pawimawh em em chu ram hmasawnna, eizawnna leh zirna kawnga remchanna (opportunities) leh hausakna ani. Hnam pawh, chhungkua pawh, unau pawh retheihna hian min thendarh thin a. Awmkhawm duh ngawih ngawih pawh ram hausa zawk leh remchanna min pe thei zawkah kan pem lawng lawng fo anih hi. Hmasawnna te, Remchanna (opportunities) te, leh Hausakna te chuan min hruai khawm thung thin. Zofate hi kan awmna ṭheuhah ram hmasawnna chak zawka kalpui turin taima tak leh rinawm takin thawk theih ang u khai. Zofate hian Pathian hruaina leh malsawmna kan dawng thin a. Keini hian kan zir phawt chuan hnam ropui takah Pathian hian min din a duh ngei ang tih a rinawm. Chumi thleng tur chuan Pathian duhzawng leh malsawm tlaka awm turin taimakna te, dikna leh rinawmna nena hmasawn duhna rilru pu chunga hmalam pan tur kan ni tih hria in vawng reng ṭheuh ila. Nang leh kei hian Zofate dinchhuahna kawngah mawh kan phur tlat ani tih Zofest hmangtu te hian hre thar leh theuh ang u.
Ka lawm e.
0 COMMENT:
Post a Comment