Zofest thuchah: Champhai Headquarters

'Unaute u in damtlang e lo maw..?'

Khawvel ram hrang hrang a Zofa, ZOFEST 2018 hmang tura lokal zawng zawng te, MZP Hqrs Champhai hmingin chibai ka buk a che u.

H.Lalramhluna (Valpuia)

Hun rei tak tu te nge ka unaute, khawnge an awm tih hrelo, ngaihtuah loa kan Awm Hnu in, hnam anga inlungrualna, tanhona leh insuihkhawm duhna in min tur tho ta hi lawmawm Ka ti a, Isua Krista lokal leh hma zawng i chhawmnung zel ang u.

 Keini ho hi hnam Huaisen, ral Hma a zam ngailo, thianchhan Thih ngam, thiante hliam Leh na tuar kalsan ve ngailo hnam kan nih i hre thar ila, mangan ni atan chauh nilo, hlimni atan tak pawha unau a piang kan nihna hi eng hunah pawh i lantir zel ang u.

'Ram in ri a nei a, Hnam erawh in ri a neilo' tih hi hrethar ila, khawchhak lam unaute tan kawtchhuah nghak tu kan nih angin in hlim ni leh mangan ni ah a tul anga pui a lawmpui tur che u in kan inpeih reng a, Tlang hrang hrang a zohnahthlak unau te pawh, Champhai tih leh ZOKHUA tih hi a inzawm tlat tih lo hrereng ula, mikhual tur che u in kan inhawng reng e.

Kan tawng leh awmdan la hrang deuh rih mahse Hnam bil inlakhran duhna rilru kalsan in he Mizoram ngei hi kan zavaia kan inpui a pawmin insuihkhawm zai i rel zel ang u.

Engtikah emaw chuan Rorelna pakhat hnuaiah kan la awm ngei ang tih rinna leh beiseina nung hi nei reng ila, kan kawng zawh hi thuiin chhuk chho hlr rih mahsela chung Pathian khian minla Hruaithleng ngei ang tih beiseina nen unau in chhar thar chung zela ZOFEST 2018 hmang turin duhsakna sang ber ka hlan vek che u.

Mizo Zirlai Pawl Zofa zawng zawng tan, kan ram tan vul zel rawh se.

H.Lalramhluna (Valpuia)

President

MZP Headquarters, Champhai