Zofest thuchah: Lunglei President

Mizo zirlai pawl (MZP) in zofa hmun hrang hrang a awmte inkar a in unauna tha a awm theih nan a inkhawmpui ‘zofest’ a bustsaih thin hi a lawmawm takzet a, zofest hian zofa ramhrang hmun hrang a chengte ah inpumkhatna inlungrual a thlen a ni. 

Kan hriat ang in zofate hi kan duh vang reng nilovin ram hrang hrang heng myanmar, bangladesh leh india ah te thendarh kan ni a. India ah pawh state hrang mizoram, manipur, tripura, assam etc ah te kan cheng hlawm ani, chenna hmun a dang ang bawk in rilru puthmang leh khawsak phung adang ta nuaih a unau thlahkhat chhulkhat kual nisi in unau hmel kan in hai a unau kan nih hrelo pawh an awm ani. Mizoram a cheng inpui nghaktu te ngei pawh hian kan unaute hre lovin hnamdang ramdang mi emaw ti kan awm nawk fo reng a mizo two tih tawngkam tepawh alo chhuak a kan unau thenkhatte pawh mizoram atanga umchhuah te an tawk reng ani. Tunah erawh MZP te hmalakna vangin unau hmel kan in hai tawh lova thinlung hmunkhat pu in kan harsatna ah kan inpui tawn a lungngaih ni ah kan intawrhpui thei ta ani hi, khuarel chhiattawh leh thildang dang ah kan intanpui tawn ta tehi zofest rahchhuah tha a ni kan ti thei awm e.

Zofa tlang hrang hrang a chengte hi hmunkhat ramkhat ah rorelna pakhat hnuaiah la khawsa ho theilo mah ila rilru ah unau kan nih kan hriat a kan pawm tlat chuan kan ral ngai lovang. Juda hnam pawh Hitlera’n thahrem vek suat vek tum in hma ala a tam tak thi in ram hrang hrang ah an tlandarh tih kan hria amaherawhchu an chenna hmun theuh ah an hnam ah an chian avang leh juda ka ni tih an vawnnun tlat avangte, induhsak tawn in an hmangaih tawn tlat avang te in  an hnam chu boral chu sawiloh ramkhat ah hmunkhat ah cheng in hnam chak tak niin anlo ding chhuak leh ta a nih hi!  Kan chhehvel a hnamdangte chimral tham lek a tlem kan la nih avang hian a tumah hi inla bing a inla hrang tur kan ni lova, inthendarh zawng ni lovin inpumkhat zawng in hma ila tlang zel ang u.

Zofate insuihkhawm leh inpumkhatna tur a hmalatu pawl zahawm Mizo Zirlai Pawl kan nei hi a hlu a, zofate insuihkhawmna tur a he pawl hmalakna hi mizoram chhunga cheng mizo zawng zawngte hian thlawp vek ila, a inthendarh zawng ni lovin unau kan nih ang in kan awmna hmun heuh ah hnam thinlung puin insuihkhawm leh zai i  rel ang u.

MZP vul zel rawh se!

LALRAMMUANAWMA

President

Lunglei Headquarters