Zofest thuchah: Behliangchhip Headquarters

Ram tin, hmum tina awm Zofa zawng zawng te rinawmna leh duhsakna chibai ka buk e.

MZP, Gen. Hrqs.-in Zofest huaihawt nachang an hria hi Zo hnam tana malsawmna hlu tak, Chunglam hriattirna an dawn atanga irh chhuak niin ka hria. Zo hnam hrang hrang mawina phochhuah leh tarlan a ni a, chumai piah lamah inunauna te, inpumkhatna te, inhmangaih tawnna te, induhsakna te kan lantir a, tangrual tura min suihkhawmtu chu Zofest hi niin ka hria a, ka ngaihlu hle a ni. Zofest 2018, Reiek pawh hi hun dang aia nasa Zo hnam harhtharna thlentu a nih leh ngei ka beisei tlat a ni.

Kum danga kan la neih loh, a duh apiangte tlawh theih tur Zofest Website thlenga hawn a lo ni ta hi lawmawm ka ti. A tlawhtu tawh phawt chuan kei ang bawk hian hlim leh lawm vanga an nuih chhuah ver ver ka ring. A webpage a felfaiin, ka hun neih anga kan duh lai tak en mai theih tura engkim rem fel thlap thlap a ni te hi a ngaihtuah chhuaktute an fakawm thlawt a ni.

Zo hnam tan tanrual hi chakna tih hriain he Zofest, Reiek 2018 hi hlim leh hlawk takin hmang ang u.

MZP changrel a sual ngai lo!

Lalduhsanga Thangluah

President

Behliangchhip