Zofest thuchah: Manipur Headquarters

Khawvel pumpuia Zohnahthlak  Zofest 2018 hmang tura lo kal khawm zawng zawng te in za vaiin Chibai ka buk a che u, Mizo Zirlai Pawl, General Hqtrs. in a lo buatsaih thin Zofest hi Zofate insuihkhawmna atan a hmanrua pawimah tak pakhat a ni a, hetianga hma an la thei hi an fakawm tak zet a ni. Kan thupui hi ‘Insuih khawm leh zai I rel ang u’ tih a ni a, tute nge insuihkhawm tur emaw tute nge kan suihkhawm dawn tih chu sawi tam ngailovin kan chiang reng awm e, chutihrual chuan keini a Mizo (Duhlian/Lushei) tawng hmang bik te hi in ti teh ang, kan mawhphurna hi a va sang em, lo suihkhawm a lo kuangkuah tu tuturte kan ni ti hi kan hrelo ang tih hi ka hlau a ni, chutihlai chuan, tlem a mizo tawng rawn hmang awn deuh, hmel rawn danglam deuh emaw lo nuihzat a lo thinhrik ta mai ching kan lo awm thin erawh hi chu simhmak chi. ‘Insuihkhawm leh zai I rel ang u’ tih hi a thu mai nilovin a tak ram lam a kan hman a hun ta hle mai, Hnam ropui tak leh chaktak ni thei tur chuan Inpumkhatna hi a pawimawh si a.

Zofest, 2018 program hmang tura lo kal zawng zawng te, insuihkhawm leh hi a tak tak a duhna rilru pu a Reiek khua hi kan chhuahsan a, khawvel hmun hrang hrang a Zo hnahthlak kan unau kan thisen zawmpui te insuihkhawm zel theih turin leh lo kuangkuah tu ni zel thei turin duhsakna sangber ka hlan a che, hlim leh lawm takin hun I hmang ang u, Unau kan ni si a.

Dated, Churachandpur

The 30th November, 2018

GF Lalniropuia 

President

Mizo Zirlai Pawl, Hqtrs. Manipur