ZOFEST HMAN CHHUNZAWM ZELA NI. PU PC VANLALRUATA MINISTER-IN HUN A HMANPUI.
6 December, 2024:: Nizan dar 7 khan Zofest 2024 zan thumna chu W. Phaileng "Lalbuanga Sailo Rûn"-ah hman chhunzawm a ni a. Pu PC Vanlalruata Minister chuan vantlang inkhawm hunah khuallian niin hun a hmanpui a. He hun hi Pu Rothanliana Fin. Secretary MZP General Headquarters-in a kaihruai.
Pu PC Vanlalruata Minister chuan thu sawiin, Zofest hmang tura tlang hrang hrang atang Zofa hnam hrang hrang palaite chibai a buk a. "Zofate hian kan awmna hmun kil hrang hrangah buaina leh harsatna nasa tak kan tawk mek a. Hei hian Zofate min ti pumkhat mek a. Chunglamin Zofate kan insuihkhâwm theih nan heng harsatna kan tawhte hi min pek a nih ring ila, i tangrual sauh sauh ang u" a ti.
Pu Ruata chuan, hetiang kut pawimawh leh hlu tak, Zofa zawng zawngte lenna Zofest hi MZP chauh buatsaih ni lovin, Mizo ten lian zawka buatsaih zel nise ṭha a tih thu a sawi a. Zofate kan insuihkhawmna tura hunpui pawimawh tak a nih avangin leh Zofate zawng zawng kan inṭawm theih kut a nih avangin hman chhunzawm zel ṭha ka ti hle a ni a ti. 
Nizan khan Zofa hnam hrang hrang kalkhawmte tangin, Miss leh Mister thlanna neih a ni a. Zai leh lam hmuhnawm tak tak ngaihthlak a nih bakah, hnam hrang hrangten chibai bukna thu an sawi a ni.
Zofest hi vawiin lamah chhunzawm zel a ni ang a. Zo ze chawi ni a hun hman tur a ni ang. He hunah hian Pu Lalfamkima Dy. Speaker chu khuallian a ni ang a. Dr. Lorrain Lalpekliana Chinzah Adviser to Chief Minister (Health & Family Welfare) leh Pu T. Lalhlimpuia MLA te chu uaptu an ni ang.
Zaninah Zofest 2024 chu a ṭiak dawn a ni.
ReplyForward |
No comments